Memleket basshysy Qasym-Jomart Toqaev halyqty vaktsinalaý protsesinen naýqanshyldyq jasamaýǵa shaqyrdy, dep habarlaidy QazAqparat.
«Koronavirýspen kúrestegi túbegeili basqa tásilder meditsinalyq aspektilerge ǵana emes, biznesti shekteý sharalaryna da qatysty. Alda monitoringtik toptar jumysyn qaita formattaý men Ashyq júiesi siiaqty tsifrlyq sheshimderdi belsendirek paidalaný jumystary tur. Shaǵyn jáne orta biznes qyzmetkerlerin vaktsinalaý merzimderi naqty ári naýqanshyldyqtan ada bolýy tiis», - dedi Qasym-Jomart Toqaev.
Sonymen birge, Prezident Ashyq júiesin paidalanatyn shaǵyn jáne orta biznes sýbektilerine basymdyq berýdi eske saldy.
«Vedomstvoaralyq komissiiadan osy máseleni taǵy da muqiiat zerdeleýdi suraimyn. Ashyq júiesin paidalanatyn shaǵyn jáne orta biznes sýbektileriniń karantindik shekteýler jaǵdaiynda jumys isteýge basym quqyǵy bolýy kerek. Bul rette qosymshanyń naqty qoldanylýyn qatań baqylaý kerek», - dedi Memleket basshysy.
Buǵan deiin Prezident antivakserlerdiń qaýeset, dańǵaza áńgimelerine senýdiń qajeti joq degen edi.
