Qyzmetkerleri arasynda vaktsinalaýdy uiymdastyrmaǵan jumys berýshiler ákimshilik jaýapkershilikke tartylady. Bul týraly Nur-Sultan qalasy bas sanitar dárigeriniń orynbasary Janna Pralieva aitty, dep habarlaidy QazAqparat.
«Jumysshylar arasynda koronavirýs infektsiiasyna qarsy vaktsinatsiiany uiymdastyrmaǵany úshin jumys berýshiler Kodekstiń 425-babynyń 1-bóligi boiynsha ákimshilik jaýapkershilik arqalaidy», - dedi qalalyq bas sanitar dárigerdiń orynbasary.
Sondai-aq, ol elordalyqtar arasynda áli de ujymdyq immýnitet qalyptaspaǵanyn eske saldy.
«Keiingi bir aida vaktsina alǵysy keletinderdiń sany artqanymen, ujymdyq immýnitet qalyptasatyndai aýqymǵa jetken joqpyz. Aýrýdyń taralýyn ári qarai boldyrmaý úshin 15 shildede Bas sanitar dáriger qaýly shyǵarǵanyn bilesizder. Osy qujat boiynsha 10 tamyzǵa deiin koronavirýsqa qarsy ekpeniń birinshi komponentin, 1 qyrkúiekke deiin ekinshi komponentin almaǵan jumysshylardyń oflain rejimde jumys isteýi shekteledi. Tek meditsinalyq qarsy turaqty kórsetilimderi bar jáne 3 ai kóleminde aýyryp shyqqan adamdarǵa bul shekteýdiń qatysy joq»», - dedi Janna Pralieva.
