Vaktsinalaý pasportyn «Ashyq» qosymshasymen biriktirý 2021 jylǵy 1 shildeden bastap júzege asyrylady. Bul týraly halyq aldynda esep berý kezdesýinde QR Densaýlyq saqtaý ministri Aleksei Tsoi aitty, dep habarlaidy QazAqparat.
«Halyqqa immýnoprofilaktika jasaý úshin biz e-gov mobile «Vaktsinatsiia» servisin, sms-habarlamalardy, jeke kabinetti paidalaný, sondai-aq «Tsifrlyq qujattar» servisine vaktsinatsiia pasportyn engizý arqyly IT-tehnologiialardyń múmkindikterin keńinen paidalanamyz», - dedi ministr Ortalyq kommýnikatsiialar qyzmetinde.
Onyń aitýynsha, vaktsinatsiia pasporty mynadai derekterdi qamtidy: adam qandai preparattardy, qai dozada, qai kúnderde (3 tilde iske asyryldy) alǵany jazylady.
Sonymen qatar pasport QR-kodtyń kómegimen qujatty talap etý orny boiynsha kórsetý jáne qoljetimdilikti ashý múmkindigin usynady.
«Vaktsinatsiialaý pasporty vaktsinanyń 2 komponentin alýyna qarai beriledi. Qazirgi ýaqytta vaktsinatsiia pasportyn biriktirý úshin IATA halyqaralyq áýe kóligi qaýymdastyǵymen yntymaqtastyq máselesi qarastyrylýda. Vaktsinatsiia pasportyn «Ashyq» qosymshasymen biriktirý 2021 jylǵy 1 shildeden bastap júzege asyrylady», - dedi Tsoi.
