QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova koronavirýs infektsiiasyna qarsy vaktsinaǵa qarsy kórsetilimdi anyqtaý mehanizmin túsindirdi, dep habarlaidy QazAqparat.
«Búgingi tańda álemniń kez kelgen jerinde jáne kez kelgen vaktsinaǵa qatysty allergiialyq synaqtar júrgizilmeidi, olardy júrgizý de qajet emes. Qarsy kórsetilimder tiziminde anafilaktikalyq shok, vaktsinany nemese onyń basqa komponentterin engizýge aýyr allergiialyq reaktsiialar bar», - dedi Esmaǵambetova Ortalyq kommýnikatsiialar qyzmetinde ótken brifingte.
Ol vaktsinalaý aldyndaǵy ýchaskelik dárigerdiń tekserýi mindetti ekenin atap ótti.
«Tek dáriger vaktsinalaýǵa bolatynyn nemese qarsy kórsetilimi bar-joǵyn anyqtai alady. Sondyqtan dárigerdiń qaraýynsyz jáne vaktsinalaýǵa ruqsaty joq adamǵa vaktsina salynbaidy, bul barlyq qaýlylarda jáne barlyq erejelerde jazylǵan jáne tek koronavirýs infektsiiasyna qarsy vaktsinada qoldanylmaidy. Bul algoritm uzaq ýaqyt boiy vaktsinatsiia kezinde qoldanylyp keledi», - dep qorytyndylady Esmaǵambetova.
