Elordalyq №10 emhananyń aldyn alý qyzmetiniń basshysy Daniiar Qabykenov vaktsina - pandemiiamen kúrestegi jalǵyz qarý ekenin aitty, dep habarlaidy "Ult aqparat" ákimdiktiń resmi saityna silteme jasap.
Qazir álemde halyqty vaktsinatsiialaý jumysy qarqyndy júrgizilip jatyr. Keibir elderde immýndaý júiesi tipti mindetteldi. Vaktsina ondaǵan jyldar boiy adam ómirin qaýipti aýrýlardan aman saqtap kele jatqanmen onyń tiimdiligine kúmán keltiretinder bar. №10 qalalyq emhananyń aldyn alý qyzmetiniń basshysy Daniiar Qabykenov vaktsina pandemiiamen kúrestegi jalǵyz qarý bolyp sanalatynyn aita kele onyń qandai printsip boiynsha jumys isteitinin túsindirip berdi.
Daniiar Qabykenovtiń aitýynsha vaktsina kez kelgen virýstan 100% qorǵamaidy. Biraq aǵzany sol virýspen kúresýge daiyndaidy.
«Vaktsinanyń quramyna aýrýdy týdyratyn belsendi emes mikroorganizmder kiredi. Osynyń arqasynda imýndy júie aǵzaǵa engen qaýipti sezip, antidene bóledi. Bul qaýipti virýspen kúresýge múmkindik beredi. Vaktsinanyń ózi aýrý qozdyrǵysh bola almaidy. Degenmen vaktsinatsiianyń keibir jaǵdailarynda dene qyzýy kóterilýi, álsireýi, ine salǵan jeri isýi múmkin. Al eń bastysy – adam vaktsinanyń arqasynda aýrýǵa qarsy immýnitet alady. Mine, dál osy sebepti vaktsina túrli aýrýlarmen kúresýdiń tiimdi ádisi bolyp sanalady. Ol virýstyń adam azǵasynda ósýine jol bermeidi», - deidi ol.
Adam immýndaýdan tolyq ótkenmen virýs juqtyrýy múmkin.
Biraq vaktsina alǵan patsient infektsiia juqtyrǵan jaǵdaida ekpe almaǵandarmen salystyrǵanda aýrýdy jeńil ótkizedi.
Oǵan dálel – tumaýǵa qarsy vaktsina. Vaktsinatsiiadan keiin adam tumaýmen aýyrǵan jaǵdaida eshqandai asqynýsyz, jyldam emdeledi.
