Vaktsina ǵana infektsiiany toqtatyp, ólim-jitimdi azaita alady. Bul pikirdi QR DSM Ulttyq qoǵamdyq densaýlyq saqtaý ortalyǵy Sanitarlyq-epidemiologiialyq saraptama jáne monitoring ǵylymi-praktikalyq ortalyǵy direktorynyń orynbasary Manar Smaǵul aitty, dep habarlaidy QazAqparat.
«Vaktsinatsiia – eń tiimdi sharalardyń biri. Tek vaktsina ólim-jitim men infektsiianyń taralýyn azaita alady. Vaktsina arqyly erkindikke qol jetkizemiz. Buǵan deiin de aitqanymdai, shekteýlerdi azaitýǵa bolady. Bálkim kúzde maskany sheshetin shyǵarmyz. Onyń ústine kúzde balalardy mektepke qaitarý múmkindigi de talqylanyp jatyr. Onlain emes, offlain kezdesýler ótkizerimizge úmittenemin», - dedi M. Smaǵul Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, halyqty ashyq habardar etý qajet. Barlyq derekter men aqparatty senimdi kózderden jáne quzyretti mamandardan alý kerek.
«Sebebi qazir áleýmettik jelide vaktsinatsiiaǵa qatysy joq eki-úsh jyl burynǵy beinelerdi, fotolardy baiqaimyz. Tek senimdi aqparatqa súiený kerek. Reseilik «Spýtnik V» vaktsinasyna kelsek, reseilik áriptester qyzarý, temperatýranyń joǵarylaýy túrinde asqynýlar bolady deidi, olar birneshe kúnnen keiin ketedi. Qorytyndylai aitqanda, vaktsinanyń paidasy kóp, óitkeni ol bizdi aýrýdan qorǵaidy», - deidi Manar Smaǵul.
