Vaktsina salǵan balalarda «jasyl, kók, qyzyl» mártebesi bola ma? Bul saýalǵa brifing barysynda Jandarbek Bekshin jaýap berdi, dep habarlaidy QazAqparat.
Almaty qalasynyń sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshinniń aitýynsha, balalarǵa vaktsina salǵannan keiin olarda «jasyl, «kók», qyzyl» mártebesi bolatyny týraly ázirge eshqandai tapsyrma kelip túspegen.
«Qazirgi tańda balalar jáne jasóspirimderden senbi, jeksenbi kúni basqa mekemelerge kirgen kezde «jasyl» mártebesi suralmaidy. Ekpe máselesi erikti túrde ótip jatyr. Bul másele boiynsha eshqandai qosymsha tapsyrma túsken joq», – dedi Jandarbek Bekshin.
Buǵan deiin ol ata-analar vaktsina salý protsesine qatysa alatyny týraly aitqan bolatyn.
«Bul óte mańyzdy is-shara. Eger ata-analar qatysýǵa niet bildirse, qatysa alady. Emhanalardaǵy ekpe salý pýnktteri demalys kúnderi de jumys isteidi. Bolashaqta mektepterdegi meditsinalyq pýnktterde de solai bolmaq», – dedi ol.
