QR Premer-Ministriniń orynbasary Eraly Toǵjanov vaktsinalaý pasportyn qoldan jasaý máselesi boiynsha eń qatań sharalar qabyldanatynyn aitty, dep habarlaidy QazAqparat.
«Mindetti vaktsinalaý týraly siz usynǵan sharalar is júzinde vaktsina almaǵandardy kemsitýshilikke ákep soǵady degen pikir bar. Buǵan ne deisiz? Bul vaktsinalaý pasporttary men PTR test nátijelerin qoldan jasaýdy arttyrady dep eseptemeisiz be?», - dep suraq qoidy jýrnalist QR Prezidenti janyndaǵy Ortalyq kommýnikatsiialar qyzmetinde.
«Mundai máseleden habardarmyz. Birneshe jaǵdai Almaty jáne Almaty oblysynda tirkeldi. Qazir bul máselemen quqyq qorǵaý organdary ainalysyp jatyr. Sondyqtan, vaktsina pasporttaryn qoldan jasaýǵa tyrysatyndarǵa qatysty eń qatań sharalar qabyldanady. Muny Úkimet pen quqyq qorǵaý organdarynyń qatań baqylaýyndaǵy mańyzdy másele dep oilaimyn», - dep jaýap berdi Eraly Toǵjanov.
