Almaty qalasynda bir táýlikte 2 927 adam koronavirýsqa qarsy vaktsina saldyrdy, dep habarlaidy "Ult aqparat".
Basqarma taratqan málimetke sáikes, 19 mamyr kúni 2 927 almatylyq vaktsina saldyrdy. Biylǵy jyldyń 1 aqpany men 19 mamyr aralyǵynda qalada barlyǵy 280 071 adamǵa ekpe salyndy. Vaktsinatsiianyń jalpy sanynan 60 jastan asqan qart kisiler sany - 30 531.
«Búgingi kúnge deiin qazaqstandyq QazVac vaktsinasyn 3000 adam aldy. 3 mamyr kúni qytaidyń Sinopharm vaktsinasy 15 000 dozasy jetkizildi, onyń birinshi komponenti boiynsha 5 597 adamǵa vaktsina egildi» - dep atap ótti basqarmadan.
Búgingi kúni qalada 214 pýnkt jumys istep tur. 1 282 adamnan turatyn 315 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazirgi meditsinalyq uiymdarda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi» - dep naqtylady Qoǵamdyq densaýlyq saqtaý basqarmasy.
