Qazaqstanda koronavirýstyń taralýyna qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Parijde Frantsiianyń basty simvolyna kelýshilerge shekteý qoiady.
Eifel munarasyna koronavirýsqa qarsy vaktsinatsiialanǵan adamdarǵa ǵana kirýge ruqsat etiledi. Munara kelýshilerge búginnen bastap esigin ashpaq.
«Biz kóne ǵimaratty talǵampazdyqpen jáne uqyptylyqpen oiatýǵa daiyndalyp jatyrmyz, óitkeni ol 250 kún jabyq bolyp uiyqtaǵandai múlgip tynysh tur edi», - dedi munara operatorynyń jetekshisi Jan-Fransýa Martin.
20 shildege deiin Eifel munarasy barlyq adam úshin ashyq bolady, biraq 21 shildeden bastap koronavirýsqa qarsy vaktsinatsiialanbaǵan azamattarǵa kirýge tyiym salynady.
Sonymen qatar, áleýmettik araqashyqtyqty saqtaý úshin kelýshiler sany kúnine 10 myń adammen shekteledi.
Martinniń aitýynsha, jaqyn arada mundai shekteýler Frantsiiadaǵy barlyq kórneki oryndar úshin qalypty jaǵdai bolady.
Tailand týristik maýsymdy ashty. Bul eldiń úsh araly COVID-19 vaktsinasy bar týristerdi kútedi.
Siam shyǵanaǵyndaǵy Samýi, Fhangan jáne Taý araldary koronavirýstyq infektsiiaǵa qarsy vaktsinatsiialanǵan týristerdi qabyldai bastady.
Sonymen qatar, Samýi kýrorttarynda demalý úshin týrister alǵashqy úsh kúnde qonaq úiden shyqpaýy, jeti kún ishinde aralda qalýy tiis.
Osy belgilengen shekteý ýaqyty ótken soń ǵana el qonaqtary Pangan nemese Taý araldaryna bara alady.
Biraq, ol úshin týrister COVID-19-ǵa PTR-test tapsyrýy kerek.
