Vaktsina alǵan bir aptanyń ishinde kóńil-kúiime keri áserin tigizetin jaǵdai bolǵan joq. Bul týraly Kókshetaý qalasyndaǵy bastapqy meditsinalyq-sanitarlyq kómek kórsetý ortalyǵynyń aýmaqtyq bólim meńgerýshisi Maqpal Aitbaeva aitty, dep habarlaidy QazAqparat.
Dárigerdiń aitýynsha, ózi jumys isteitin emhanada vaktsinalaý naýqany aqpannyń 2-de bastaldy. Onyń ishinde alǵashqy legte 2 medbike men 3 dáriger, barlyǵy 5 adam ekpe aldy. Barlyǵynda asqyný men aýytqý belgileri baiqalǵan joq. Kelesi qatarda taǵy 6 qyzmetker men 4 oqytýshyǵa vaktsina salyndy. Budan bólek, taǵy 15 qyzmetkerge vaktsina salý josparlanyp otyr.
«Vaktsina salǵyzǵan adamnyń arterialdy qysymy, basqa da ózgeristeri jarty saǵat boiy baqylaýda bolady. Sonymen birge, úsh kún boiy aýyr jumys istemeýi, alkogoldik ishimdik ishpeýi jáne vakitsina salǵan jerge sý tigizbeýi tiis. Ózim vaktsina alǵannan beri bir apta boiy dárigerdiń baqylaýynda boldym. Osy ýaqytta kóńil-kúiim jaqsy», - dedi Maqpal Aitbaeva.
Sonymen qatar, ol vaktsinadan qorqýdyń qajeti joq ekenin, bul ekpe qazirgi epidemiologiialyq jaǵdaidy nazarǵa ala otyryp, adamdardyń koronavirýspen aýrýy men odan bolatyn ólim-jitim sanyn azaitýǵa baǵyttalǵanyn atap ótti.
«Bizdiń qazir alyp otyrǵan vaktsinamyz «Gam-KOVID-vak» (Spýtnik V) eki komponentten turady. Aqpannyń 2-de biz birinshi komponentin alsaq, endi 21 kúnnen keiin ekinshi komponentin alamyz. Sonda biz vaktsinalaýdyń tolyq satysynan ótemiz. Vaktsina adamdardyń koronavirýske shaldyǵýynyń aldyna alýǵa jáne odan bolatyn ólim sanyn azaitýǵa baǵyttalyp otyr», - dep tolyqtyrdy Maqpal Aitbaeva.
Osy rette, ol vaktsina alýǵa kelisim bergen adamdar týraly málimetter arnaiy bazaǵa engiziletin jetkizdi.
«Bazada ol adamnyń arterialdyq qan qysymy, júrek qaǵysy, dene qyzýy, ózge de qosymsha aýrýlary bar-joǵy týraly tolyq meditsinalyq málimetteri bolady. Ony joǵary jaqtaǵy basshylar kez kelgen ýaqytta qarap baqylai alady», - dep túiindedi Kókshetaý qalasyndaǵy bastapqy meditsinalyq-sanitarlyq kómek kórsetý ortalyǵynyń aýmaqtyq bólim meńgerýshisi Maqpal Aitbaeva.
Aita keteiik, Aqmola oblysynda vaktsina salý jumysy 24 egý pýnktinde júrgizilýde. Keiin qalǵan partiia túsken kezde qalǵan egý kabinetteri men kóshpeli brigadalardy iske qosý josparlanýda. 1104 meditsina qyzmetkeri jumysqa tartylyp, daiyndaldy. Qazirgi kezde, oblys boiynsha 500-den astam aqmolalyq koronavirýs infektsiiasyna qarsy vaktsina alǵan.
