Ekpe ananyń qursaǵyndaǵy balaǵa oń áser etedi. Sebebi vaktsina alǵan soń anasynan bolashaq sábiine antideneler beriledi. Elordadaǵy №7 qalalyq emhananyń akýsher-ginekology Gúlnaz Isliamovanyń aitýynsha, áiel vaktsinany júktiliktiń úshinshi trimestrinde saldyrǵan bolsa, onyń antideneleri balany kem degende jarty jyl qorǵaidy, dep habarlaidy qala ákimdiginiń resmi saity.
– Júkti áielderdi vaktsinatsiialaý qalai júzege asyp jatyr?
– Qazirgi tańda júkti jáne emizýli áielderdi vaktsinatsiialaý ońaiǵa soǵyp jatqan joq. Óitkeni áleýmettik jelilerde taraǵan kóptegen jalǵan aqparattar, video-slaidtar vaktsina egýge keri áserin tigizýde. Kóptegen áielder sol jalǵan aqparatarǵa senip, vaktsina alýǵa qarsylyq bildiredi. Qazir aqparattyq tehnologiianyń damyǵan zamanynda vaktsinanyń aǵzaǵa, jatyrdaǵy sábige oń áseri týraly aqparattanǵan áielder kezdesedi. Soǵan qaramai, ár júkti áielmen vaktsinanyń paidasy týraly áńgime júrgizemiz.
– Vaktsina júkti áieldiń qursaǵyndaǵy sábige qalai áser etedi?
– Búginge deiin bizdiń emhanada 96 aiel vaktsina aldy, onyń 18-i júkti, 78-i – emizýli aielder. Ekpe ananyń qursaǵyndaǵy balaǵa oń áser etedi. Sebebi, ekpe alǵan soń anasynan bolashaq sábiine antideneler beriledi. Áiel vaktsinany júktiliktiń úshinshi trimestrinde saldyrǵan bolsa, onyń antideneleri balany kem degende jarty jyl qorǵaidy.
Aita keteiik, qazir álem boiynsha júkti áielderdi egý bastaldy. Ekpe ataýy – «Komirnati» - SARS-CoV-2 týdyratyn koronavirýstyq infektsiianyń profilaktikasyna arnalǵan mRNQ (nýkleozidtermen modifikatsiialanǵan) negizindegi KVI-ge qarsy vaktsina. «Komirnati» ("Pfizer" kompaniiasynyń ónimi) quramynda immýndyq qorǵanysh týdyratyn virýs joq, KVI infektsiiasyn týdyrýy múmkin emes. Bir qutyda suiyltqannan keiin 0,3 ml-den 6 doza bar.
Júkti áielderge qandai jaǵdaida vaktsina alýǵa bolmaidy?
- belsendi zatqa nemese preparattyń kez-kelgen basqa komponentterine allergiia bolsa;
- júktiliktiń alǵashqy 16 aptasynda;
- júktilik merzimi 37 apta jáne odan joǵary bolsa;
- jiti infektsiialyq aýrýlar kezinde;
- immýndy tapshylyqty aýrýlar;
- antikoagýliant terapiia qabyldap júrgen aielderge, qan uiý jyldamdyǵy buzylǵan aielderge (gemofiliia) ekpe alýǵa bolmaidy.
– Koronavirýs júkti áielderde qalai júredi jáne qanshalyqty qaýipti?
Júkti áielderde koronavirýs belgileri simptomsyz júredi. Bárinde bolmasa da, kóbi óziniń aýyryp júrgenin baiqamaidy. Al COVID-19 asqynǵanda aiaǵy aýyr áielderdi emdeý ońaiǵa soqpaidy. Sondyqtan júkti áielder COVID-19 virýsyn juqtyrý boiynsha qaýipti topqa jatady. Ásirese ekstragenitaldy aýrýy bar, iaǵni qant diabeti, bronhialdy astma, sozylmaly qabyný aýrýlary bar jáne 35 jastan asqan júkti áielder úshin qaýipti.
Júktilik kezinde jatyrdyń ósýine bailanysty ókpege oryn az qalady jáne aiel aǵzasynda ainalymdaǵy qan kólemi joǵarylaidy. Ishtegi uryqty ottegimen qamtamasyz etý úshin ananyń júregi men qantamyrlarǵa 2 ese kúsh túsedi. Virýs juqqan sátte, osy atalǵan aǵzalarǵa áserin tigizedi, júktilik aǵymynyń asqynýyna ákelýi múmkin. Sondyqtan, qazirgi ýaqytta ana men bala densaýlyǵyn saqtaýdyń eń tiimdi joly – vaktsina alý.
