Aqtóbe qalalyq №6 emhananyń bólim meńgerýshisi Lázzat Júsipbekova alǵashqylardyń biri bolyp ekpe qabyldady. Dáriger turǵyndarǵa vaktsinatsiialaýdyń mańyzyn túsindirdi, dep habarlaidy QazAqparat.
Aqtóbe oblysy boiynsha 1 myń doza jetkizilip, qazir aq halattylar vaktsina qabyldap jatyr. Olar: infektsiialyq aýrýhana qyzmetkerleri, jedel járdem qyzmetkerleri men emhana mamandary. Bári de naýqastarmen tyǵyz qarym-qatynasta jumys isteidi.
«№6 Aqtóbe qalalyq emhanasynda meditsina qyzmetkerleri koronavirýs infektsiiasyna qarsy ekpe alyp jatyr. Kún saiyn turǵyndardy qabyldap, olarǵa em júrgizetin mamandar birinshi bolyp vaktsinatsiialandy. Qazirgi kezde indetti jeńetin, oǵan qarsy turar joldyń biri – ekpe. Adam aǵzasynda antidene paida bolyp, bizdi qorǵaýǵa septigin tigizedi. Eń tiimdi joly osy. Vaktsina qabyldaǵan adam sany kóp bolsa, biz soǵurlym óz-ózimizdi qorǵaý kórsetkishin jaqsartamyz», - dedi №6 emhananyń bólim meńgerýshisi Lázzat Júsipbekova.
Dáriger ózge áriptesteri sekildi vaktsina qabyldady. Qazir ózin jaqsy sezinedi.
«Men de ekpe qabyldadym. Jaǵdaiym jaqsy. Ine salǵan jeri azdap aýyrdy, bir kún ǵana. Keiin bári umytyldy. Negizinde dene qyzýy kóterilip, bas aýrýy múmkin dep eskertti. Biraq ózimde aýyrsyný belgisi bolmady», - dedi ol.
