Atyraý qalalyq №7 emhananyń direktory Gúlnafis Tańbaeva emhana qyzmetkerlerimen birge alǵashqylardyń biri bolyp ekpe saldyrǵan, dep jazady Baq.kz agenttigi.
Búgingi kúni barlyq emdeý-saýyqtyrý mekemesinde, onyń ishinde 7 aýdanda, qalalyq emhanalarda ekpe salý meditsinalyq pýnktteri uiymdastyryldy. Protsedýralar barlyq sanitarlyq-epidemiologiialyq talapqa sáikes jasaldy. Vaktsina dozalary sanitarlyq talaptarǵa sáikes arnaiy qoimada saqtaýly. Aldaǵy kúnderi taǵy 20 doza aldyrtamyz, - deidi ol.
Gúlnafis Ábdildaqyzynyń aitýynsha, búginde bul emhananyń 11 qyzmetkeri ekpe salyp úlgergen.
Bizdiń emhananyń 11 qyzmetkeri ekpe aldy. Olardyń arasynda ózim de barmyn. Sodan beri aptaǵa jýyq ýaqyt ótti. Vaktsina alǵan kezde bolýy múmkin degen jaǵymsyz reaktsiialardyń (temperatýranyń kóterilýi, bas aýrýy, bas ainalýy) birde biri meniń boiymnan baiqalmady. Tek inektsiia alǵan orynda giperemiia boldy. Áriptesterimniń de jaǵdaiy jaqsy. Ekinshi kezeńdegi ekpeni 22 aqpanda saldyramyz. Dáriger retinde halyqty vaktsina salýǵa shaqyramyn. Sebebi bul koronavirýs indetine tosqaýyl qoiýdyń birden-bir joly, - deidi ol.
Eske salsaq, Qazaqstanda 1 aqpannan bastap koronavirýsqa qarsy jappai vaktsinatsiialaý bastaldy.
