Almatylyq «Qairat» braziliialyq fýtbolshy Vagner Lavpen kelisim-shart merzimin taǵy bir jylǵa uzartty. Bul jóninde komandanyń baspasóz qyzmeti málim etti.
Vagner Lav 1984 jyldyń 11 maýsymynda dúniege kelgen. Kásipqoi fýtboldaǵy alǵashqy qadamyn 2002 jyly Braziliianyń «Palmeiras» komandasynda bastaǵan. Odan keiingi jyldarda Reseidiń TsSKA, Braziliianyń «Flamengo», Qytaidyń «Shandýn Lýnen», Frantsiianyń «Monako», Túrkiianyń «Alaniaspor» jáne «Beshiktash» komandalarynda oinaǵan. Braziliia quramasy sapynda 20 match ótkizip, tórt gol soqty.
Biylǵy jyldyń maýsym aiynda «Qairat» komandasymen jyl-sońyna deiin kelisimshartqa qol qoiǵan bolatyn.
Esterińizge sala ketelik, biyl «Qairat» birneshe týr buryn óz tarihynda úshinshi márte chempion atandy. Aldaǵy jyly komanda UEFA Chempiondar ligasynda synǵa túsedi.
