Foto: Qaraǵandy oblysy ákimdiginiń baspasóz qyzmeti
Qaraǵandy oblysynyń ákimi Ermaǵanbet Bólekpaev Temirtaýda kompaniia ujymymen kezdesýde Qazaqstan Steel Group aktsioneri Andrei Lavrentevti tanystyrdy, - dep habarlaidy "Ult aqparat" óńir ákimdiginiń baspasóz qyzmetine silteme jasap.
Aita keteiik, qazaqstandyq tanymal kásipker "ArselorMittal Temirtaý" aktivterin satyp alǵan edi.
"Árine, jańa basshynyń aldynda mańyzdy mindetter tur. Birinshi kezekte eńbek qaýipsizdigin qamtamasyz etý jáne qyzmetkerlerge jaǵdai jasap, ál-aýqatyn arttyrý qajet. Sondai-aq áleýmettik jobalar arqyly jergilikti qoǵamdastyqty damytýǵa belsendi qatysyp, kómek kórsetý kerek", – dedi Ermaǵanbet Bólekpaev.
Kezdesýde Andrei Lavrentev Vadim Basindi QARMET kompaniiasynyń bas direktory retinde tanystyrdy.
Esterińizge sala keteiik, buǵan deiin QR ónerkásip jáne qurylys ministri Qanat Sharlapaev kásiporyndy Andrei Lavrentev satyp alǵanyn jariialaǵan bolatyn.
Investor aktivterdi satyp alýmen qatar, óndiristi jańǵyrtýǵa jáne óńirdiń ekologiiasyn qorǵaýǵa taǵy 3 mlrd AQSh dollaryn quiýǵa mindetti, onyń 1,3 mlrd dollary aldaǵy jyly investitsiialanady.
