Sýret: Tengrinews.kz
Almaty oblysy Uzynaǵash aýylynda atys bolyp, bir adam qaza tapty, - dep habarlaidy Tengrinews.kz agenttigi óńirlik PD baspasóz qyzmetine silteme jasap.
Politsiia málimetinshe, 4 tamyzda saǵat 16:20 shamasynda Jambyl oblysy Uzynaǵash aýylyndaǵy aýrýhanaǵa oq jaraqatymen úsh jergilikti turǵyn jetkizilgen. Zardap shekkenderdiń biri jansaqtaý bólimine jetkizilgennen keiin qaza bolǵan.
"Politseiler dereý derektiń barlyq mán-jaiyn anyqtaýǵa jáne qylmysqa qatysy bar tulǵalardy ustaýǵa baǵyttalǵan sharalardy qolǵa aldy. Jedel-izdestirý is-sharalary barysynda jospar jariialanyp, aimaqtyq politsiia bólimsheleriniń jeke quramy kúdiktilerdi ustaýǵa jumyldyryldy", - delingen habarlamada.
Aldyn ala anyqtalǵan málimet boiynsha, oqiǵa bir top jergilikti turǵyndar arasynda bolǵan. Qazirgi ýaqytta kúdiktilerdiń bári anyqtalǵan, endi olardy ustaý sharalary júrgizilip jatyr.
