COVID-19 indetiniń mýtatsiialaý protsesi týraly QR Densaýlyq saqtaý ministrligi sanitariialyq-epidemiologiialyq baqylaý komitetiniń tóraǵasy Aijan Esmaǵambetova aityp berdi, dep habarlaidy "Ult aqparat".
«Biz indetten 100 paiyz qorǵaý týraly aityp otyrǵan joqpyz. Vaktsina alǵan azamat koronavirýsqa shaldyqqannyń ózinde, kúresý jeńilge soǵady jáne olar aýrýhanaǵa jatqyzylmaidy. Patsient aýrýhanaǵa jatqyzylǵannyń ózinde syrqatty jeńil kóteredi, reanimatsiiaǵa jatqyzylmaidy jáne ÓJA (ókpeni jasandy jeldetý apparaty) kómegi qajet etpeidi. Indentke shaldyǵýdyń simptomsyz belgisine kelsek, ótken jyly elimizde koronavirýs etek jaia bastaǵanda simptomsyz aýyrǵandar 80 paiyzdy, al simptommen 20 paiyzdy qurady. Virýs mýtatsiialanyp jáne britandyq shtamm paida bolǵannan keiin simptomdyq belgilermen aýyrǵandardyń sany artty. Iaǵni 60/40-ty qurady. Qazir delta-shtamynyń taraýyna bailanysty jaǵdai múldem ózgerip otyr. Búginde atalǵan indetke simptomsyz shaldyǵandar aitarlyqtai az», - dedi Aijan Esmaǵambetova OKQ-de ótken baspasóz máslihatynda.
Onyń aitýynsha, búginde koronavirýs juqtyrýshylardyń 80 paiyzy simptomdy jáne 20 paiyzy simptomsyz kórsetkishti quraidy.
«Joǵaryda aitylǵan statistika virýstyń mýtatsiialanyp, odan ári taralyp jatqanyn kórsetip otyr. Iaǵni biz ujymdyq immýnitettiń qalyptastyrmaiynsha, koronavirýs tarala beredi. Odan saqtaný óz qolymyzda», - deidi ol.
