Uzbekistan Airways áýe kompaniiasynyń ushaǵy Aýǵanstannan Tashkentke evakýatsiialanǵan 200-den astam adamdy Maindaǵy Frankfýrt qalasyna jetkizdi. Bul aqparatty áýe kompaniiasynyń málimetine súienip, Gazeta.uz saity jariialady.
Germaniia Qorǵanys ministrliginiń málimetine qaraǵanda, Tashkent arqyly Germaniiaǵa 900-den astam adam jetkizilgen.
"Ózbekstan ózi bastama kóterip, úkimet ushaǵyn bóldi", – deidi "Ýzbekistan 24" telearnasy. Bort Germaniianyń Tashkenttegi elshiliginiń ótinishimen shyqqan.
Buryn Tashkentten Germaniiaǵa Lufthansa áýe kompaniiasy ǵana tasymaldaǵan.
Tashkent áýejaiy tranzit rejiminde jumys isteitindikten Aýǵanstannan kelgen jolaýshylarǵa qalaǵa shyǵýǵa ruqsat berilmegen.
Ótken jeksenbide "Taliban" qozǵalysy Kabýldy soǵyssyz alyp, Aýǵanstanǵa tolyq baqylaý ornatqanyn málimdegen.
Tálipter qýǵyn-súrgin jasaýy múmkin dep qaýiptengen myńdaǵan adam Kabýl áýejaiyna lap qoiǵan. Aýǵanstanda áskeri operatsiia júrgizgen AQSh pen onyń odaqtastary óz azamattary men tálipter biliginde qalǵysy kelmeitin aýǵandardy jappai qaýyrt evakýatsiialaýǵa kirisken.
