Astanada kóliginde uiyqtap qalǵan politsei oqiǵasyna qatysty qyzmettik tekserý jumystary júrgizildi, dep habarlaidy QazAqparat tilshisi.
Aita ketsek, budan buryn áleýmettik jelilerde politsiia qyzmetkeriniń uiyqtap jatqany týraly video taraǵan bolatyn. Beinerolikti uiqydaǵy tártip saqshysynyń áriptesi túsirgen bolýy kerek. Qyzmettik kólikte uiyqtap jatqan politseidiń janyna eppen jaqyndap kelip otyrǵan taǵy bir quqyq qorǵaýshy «Rota komandiri tekserýge keldi» dep eki úsh ret aitady. Uiqydaǵy politsei oianǵannan keiin álgi komandir (boljam boiynsha sheni úlken) ony soǵa bastaidy.
Astana qalasy politsiia departamentiniń málimetinshe, oqiǵa 2017 jyly bolǵan.
«Astana qalalyq politsiia departamenti politsiia qyzmetkerleriniń jarǵydan tys qarym-qatynas faktisi boiynsha qyzmettik tekserý júrgizilgenin habarlaidy. Onyń nátijesi boiynsha, jol-patrýl politsiiasynyń rota komandiri qyzmetinen bosatyldy. Jol-patrýl politsiiasynyń polk politseii qyzmet barysynda uiyqtaǵany úshin qatań tártiptik jaýapkershilikke tartyldy», - dep málim etti departamenttiń baspasóz qyzmetinen.
