Aqmola oblysynda úilený toiynda janjal shyǵyp, 21 jastaǵy jigit pyshaq jaraqatymen aýrýhanaǵa tústi, dep habarlaidy QazAqparat.
Oblystyq Politsiia departamenti baspasóz qyzmetiniń málimetinshe, biylǵy jylǵy 22 qarashada Jarqaiyń aýdandyq PB kezekshi bólimine 57 jastaǵy jergilikti turǵyn habarlasyp, Birsýat aýylynda pyshaq jaraqatyn alǵan 21 jastaǵy ulyna kómekke jedel járdem qyzmetin jiberýdi suraǵan.
«Oqiǵa ornyna Jarqaiyń aýdanynyń PB kezekshi jedel-tergeý toby dereý jetti. Anyqtalǵandai, 2021jyldyń 21 qarashasynda jergilikti JShS ashanasynda úilený toiy ótken. Toida qonaqtar arasynda janjal týyndaǵan. Saldarynan buryn sotty bolǵan Nur-Sultan qalasynyń 30 jastaǵy turǵyny Birsýat aýylynyń 21 jastaǵy turǵynyna ish tusynan pyshaq suǵyp alǵan. Zardap shegýshi «sol jaqtan ish qýysyna pyshaq jaraqatyn salý, ishki qan ketý» diagnozymen Jarqaiyń aýdandyq aýrýhanasyna jatqyzyldy», - dedi vedomstvonyń baspasóz qyzmeti QazAqparat tilshisiniń saýalyna.
Vedomstvodan atap ótkendei, bul oqiǵaǵa Jarqaiyń aýdanynyń PB sotqa deiingi tergeýdiń biryńǵai tizilimine 106-shi babynyń 1-shi bóligi boiynsha №211154031000144 bolyp tirkeldi.
«Kúdikti Qylmystyq kodekstiń 128-shi baby boiynsha Jarqaiyń aýdandyq politsiia bóliminiń ýaqytsha ustaý oqshaýlaǵyshyna qamaldy. Qazirgi ýaqytta tergeý sharalary júrgizilýde, olardyń sońynda túpkilikti protsessýaldyq sheshim qabyldanady», - dep tolyqtyrdy vedomstvodan.
