Tótenshe jaǵdai saldarynan úiin sý basqan qazaqstandyqtarǵa memleket tarapynan ótemaqy tólene me? Bul saýalǵa QR Tótenshe jaǵdailar ministri Iýrii Ilin jaýap berdi, dep habarlaidy QazAqparat.
«Tótenshe jaǵdaiǵa tap bolǵan azamattarǵa memleket tarapynan kómek retinde qarjy rezervi qarastyrylǵan. Atalǵan kómek respýblikalyq jáne jergilikti biýdjet esebinen júrgiziledi. Ol úshin jyldyq biýdjet aldyn ala qarastyrylady. Eger jergilikti biýdjet azdyq etse onda respýblikalyq biýdjet esebinen júredi. Taiaý kúni ǵana elimizdiń birneshe óńirinde qatty jel, boran bolyp tótenshe jaǵdai jariialandy. Saldarynan memlekettik jáne jeke nysandar zardap shekkeni belgili. Osy oraida aityp ótetin jait, jeke múlkin saqtandyrǵan abzal. Iaǵni tótenshe jaǵdai bolǵan sátte saqtandyrý boiynsha ótemaqy tólenedi», - dep jaýap berdi Ilin Ortalyq kommýnikatsiialar qyzmeti alańynda ótken baspasóz máslihatynda.
Ministrdiń keltirgen málimetke sáikes, tótenshe jaǵdaida ótemaqy tóleý úshin biyl respýblikalyq biýdjetten 7 mlrd teńgege jýyq qarjy qarastyryldy.
