Mádeniet jáne sport ministrligine uiǵyr tilin latyn grafikasyna kóshirý máselesin pysyqtaý tapsyryldy Bul jaiynda Májilis depýtatynyń resmi saýalyna jaýap bergen QR Premer-Miinstri Baqytjan Saǵyntaev aitty, dep habarlaidy QazAqparat tilshisi.
«Memleket basshysy N.Á. Nazarbaevtyń «Bolashaqqa baǵdar: rýhani jańǵyrý» baǵdarlamasynda qazaq tili álipbiin latyn grafikasyna kóshirý jumystary boiynsha mindet kózdelgen. Osy tapsyrmany iske asyrý aiasynda Qazaq tili álipbiin latyn grafikasyna 2025 jylǵa deiin kezeń-kezeńimen kóshirý jónindegi úsh kezeńdi qamtityn is-sharalar jospary bekitildi. Qazirgi ýaqytta bastapqy satydaǵy jumystar iske asyrylýda», - dedi Baqytjan Saǵyntaev.
Atap aitqanda Premer-Ministr dereginshe, jańa qazaq álipbiine kóshý týraly qoǵamdy tolyq aqparattandyrý úshin aýqymdy aqparattyq-túsindirý, sonymen qatar respýblika boiynsha qazaq álipbiin latyn negizinde aprobatsiiadan ótkizý jumystary júrgizildi. Jańa álipbige negizdelgen qazaq tili emlesiniń negizgi erejeleri belgili lingvist ǵalymdarymyzdyń arasynda jan-jaqty zerdelenip, qazaq tili álipbiin latyn grafikasyna kóshirý jónindegi ulttyq komissiia jalpy maquldady. Jańa álipbidi IT tehnologiia jáne aqparattyq keńistikke beiimdeý jumystary júrgizilýde.
«QR Konstitýtsiiasynyń 7-babyna sáikes, Qazaqstan Respýblikasynda memlekettik til - qazaq tili. Memlekettik uiymdarda jáne jergilikti basqarý organdarynda orys tili resmi túrde qazaq tilimen teń qoldanylady. Memleket Qazaqstan halqynyń tilderin úirený men damytý úshin jaǵdai týǵyzýǵa qamqorlyq jasaidy. Sonymen qatar, «Qazaqstan Respýblikasynyń til týraly» Zańynyń 23-babyna sáikes tildiń damýy memlekettik tildiń basymdyǵyn jáne is qaǵazdaryn júrgizýdi qazaq tiline kezeń-kezeńmen kóshirýdi kózdeitin Qazaqstan Respýblikasy Memlekettik josparlaý júiesiniń qujattarymen qamtamasyz etiledi. Qazaqstan Respýblikasy Úkimetiniń 2018 jylǵy 2 shildedegi № 401 qaýlysymen bekitilgen Qazaqstan Respýblikasynda tilderdi damytý men qoldanýdyń 2011 - 2019 jyldarǵa arnalǵan memlekettik baǵdarlamasynda latyn grafikasyna qazaq álipbiin ǵana kóshirý qarastyrylǵandyǵyn atap ótken jón», - dedi ol.
Osy rette Baqytjan Saǵyntaev uiǵyr tilin latyn grafikasyna kóshirý máselesin pysyqtaýda joǵaryda atalǵan normalardy basshylyqqa alý qajettigine nazar aýdartady. Sondai-aq, memlekettik tildi jańǵyrtýdyń mańyzdy kezeńinde Qazaqstandaǵy túrki tildes etnostardyń álipbiin latyn negizdi álipbige kóshirý máselesin qaraý tereń jáne jan-jaqty zerdeleýdi, sonyń ishinde uiǵyr jazýyn latyn grafikasyna kóshirý boiynsha usynys tyńǵylyqty zerdeleýdi jáne egjei-tegjeili pysyqtaýdy talap etetindigin atap ótedi.
«Osy rette Mádeniet jáne sport ministrligine múddeli memlekettik organdarmen birlese otyryp, ǵalymdar, depýtattar korpýsy, Qazaqstan uiǵyrlarynyń etnomádeni ortalyǵyn tarta otyryp, atalǵan máseleni talqylap, jan-jaqty tolyq taldaý júrgizý tapsyryldy. Osy máselelerdi tolyq pysyqtaǵannan keiin Mádeniet jáne sport ministrligi atqarylǵan jumystar týraly depýtattar korpýsyna qosymsha aqparat beretin bolady», - dedi Úkimet basshysy.
Aita keteiik, Qazaqstan halqy Assambleiasynan sailanǵan Májilis depýtaty Shaimardan Nurymov QR Premer-Ministri Baqytjan Saǵyntaevtyń atyna saýal joldap, qoldanystaǵy uiǵyr jazýyn latyn grafikasyna kóshirý qajettigin aitqan bolatyn.
