Almaty oblysyndaǵy Uiǵyr aýdandyq sotynyń sýdiasy toǵyz jylǵa bas bostandyǵynan aiyryldy. Sondai-aq, laýazymdy qyzmetterge ornalasý quqyǵynan shettetildi. Ol mansabyn paidalana otyryp 12 million teńge para alǵan, dep habarlaidy "Ult aqparat" Sybailas jemqorlyqqa qarsy qyzmet mekemesine silteme jasap.
"Súleimenovke qatysty sotqa deiingi tergeý jumystary aiaqtaldy. Súleimenovke onyń shyǵarǵan úkimin qoldaý úshin oblystyq sýdialarǵa berýdi syltaýratyp, orman sharýashylyǵy direktory Iýldashovtan 12 million teńge kóleminde aqshany aldaý jolymen aldy degen aiyp taǵylǵan. Alaida oblystyq sot Iýldashovty sottap jibergen. 2021 jyly 22 shildede Taldyqorǵan qalalyq soty Súleimenovti 9 jylǵa bas bostandyǵynan aiyryp, ómir boiyna memlekettik laýazymdarda jumys istemeýge úkim shyǵardy", – delingen resmi málimette.
Sot úkimi boiynsha Iýldashov para bergeni úshin jáne Imirov para alýǵa qatysqany úshin 8 jáne 7 jylǵa bas bostandyqtarynan aiyrylǵan. Úkim áli zańdy kúshine engen joq.
Esterińizge sala keteiik, Uiǵyr aýdandyq sotynyń sýdiasyna qatysty tergeý 2020 jyldyń qyrkúieginde bastalǵan. Sybailas jemqorlyqqa qarsy qyzmet ókilderi habarlaǵandai, zań qyzmetkeri aqsha tólegenderdiń paidasyna úkim shyǵarǵan.
