الماتى وبلىسىنداعى ۇيعىر اۋداندىق سوتىنىڭ سۋدياسى توعىز جىلعا باس بوستاندىعىنان ايىرىلدى. سونداي-اق, لاۋازىمدى قىزمەتتەرگە ورنالاسۋ قۇقىعىنان شەتتەتٸلدٸ. ول مانسابىن پايدالانا وتىرىپ 12 ميلليون تەڭگە پارا العان, دەپ حابارلايدى "ۇلت اقپارات" سىبايلاس جەمقورلىققا قارسى قىزمەت مەكەمەسٸنە سٸلتەمە جاساپ.
"سٷلەيمەنوۆكە قاتىستى سوتقا دەيٸنگٸ تەرگەۋ جۇمىستارى اياقتالدى. سٷلەيمەنوۆكە ونىڭ شىعارعان ٷكٸمٸن قولداۋ ٷشٸن وبلىستىق سۋديالارعا بەرۋدٸ سىلتاۋراتىپ, ورمان شارۋاشىلىعى ديرەكتورى يۋلداشوۆتان 12 ميلليون تەڭگە كٶلەمٸندە اقشانى الداۋ جولىمەن الدى دەگەن ايىپ تاعىلعان. الايدا وبلىستىق سوت يۋلداشوۆتى سوتتاپ جٸبەرگەن. 2021 جىلى 22 شٸلدەدە تالدىقورعان قالالىق سوتى سٷلەيمەنوۆتٸ 9 جىلعا باس بوستاندىعىنان ايىرىپ, ٶمٸر بويىنا مەملەكەتتٸك لاۋازىمداردا جۇمىس ٸستەمەۋگە ٷكٸم شىعاردى", – دەلٸنگەن رەسمي مەلٸمەتتە.
سوت ٷكٸمٸ بويىنشا يۋلداشوۆ پارا بەرگەنٸ ٷشٸن جەنە يميروۆ پارا الۋعا قاتىسقانى ٷشٸن 8 جەنە 7 جىلعا باس بوستاندىقتارىنان ايىرىلعان. ٷكٸم ەلٸ زاڭدى كٷشٸنە ەنگەن جوق.
ەستەرٸڭٸزگە سالا كەتەيٸك, ۇيعىر اۋداندىق سوتىنىڭ سۋدياسىنا قاتىستى تەرگەۋ 2020 جىلدىڭ قىركٷيەگٸندە باستالعان. سىبايلاس جەمقورلىققا قارسى قىزمەت ٶكٸلدەرٸ حابارلاعانداي, زاڭ قىزمەتكەرٸ اقشا تٶلەگەندەردٸڭ پايداسىنا ٷكٸم شىعارعان.
