Almaty oblysynda opyrylyp túsken sporttyq nysanǵa adami faktor áser etýi múmkin, dep habarlaidy "Ult aqparat".
«Keshe saǵat 11-12 shamasynda Almaty oblysy Uiǵyr aýdany Shonjy eldi mekeninde sporttyq keshenniń úshinshi blogy qulady. Qazirgi tańda aldyn-ala boljamdarǵa sáikes komissiianyń qaraýy boiynsha eki másele bar. Birinshisi, qurylys jumystaryn júrgizgen kezde tehnikalyq talaptardyń buzylýy nemese jobadan qate ketken. Apattyń naqty sebebin qurylǵan arnaiy komissiia anyqtap, qorytyndysyn beredi. Adami faktor da bolýy múmkin. Maman múmkin jumysyn tolyq aiaqtamai, boltty durys buramai ne dánekerleý jumystaryn júrgizgen kezde sony tolyq jasamaýdan da bolýy múmkin. Qazirgi tańda arnaiy komissiia quryldy», - dedi Almaty oblystyq qurylys basqarmasy basshysynyń orynbasary Erkebulan Ýsmanbaev.
