"Qadirli ult janashyrlary! Belgili óner iesi, Qazaqstannyń Eńbek sińirgen qairatkeri Saiat Medeýov óte oryndy másele kóterip otyr! Biz, ónerin lastap kórmegen bizdiń talantty aǵa-apalarymyz ony tolyq qoldap otyrmyz!
Rasynda, eser sóz, essiz ázil, esepsiz jyndylyq qundylyqtarymyzdy kúiretip jatyr. Sóz júiesiz, óner iesiz ketti… Óskeleń urpaq buttan tómen áńgimelerdi án qylyp aityp júr… Ánsheiinde, qazaqy ánniń qalpyn buzbai kele jatqan ánshilerdi keketkish, muqatqysh, synaǵysh qoǵam bul keselge bas aýyrtar emes!.. Munyń bárine toqtam bolatyn tek zań!
Aldaǵy referendým Jańa Qazaqstandy qalyptastyrýda úlken mańyzǵa ie bolyp otyr. Sol naýqan bylapyt sózderdi ónerge, ǵajaiyp qazaq ánine aralastyrýdan jasqanbaityn, uialmaityn toptarǵa tyiym bolatyn zańdy qabyldap berse, óner adamdarynyń kókeiin kópten kúiretip júrgen is sheshimin tabatyn edi!
Sanaly kórermen, sarabdal tyńdarman bizge qosylady dep oilaimyn!", - dedi ánshi Aqbota Kerimbekova Jelide.
Eske salaiyq, Saiat Medeýov keibir áriptesteriniń áleýmettik jelide jariialaǵan jazbalaryna kóńili tolmaitynyn aitqan edi.
