Ústemeaqy meditsina qyzmetkerlerin odan saiyn jigerlendire tústi. Batys Qazaqstan oblysynyń Báiterek aýdanynda provizorlyq statsionarda eńbek etip jatqan juqpaly aýrýlar dárigeri Elena Kolpakova osyndai pikirimen bólisti, dep habarlaidy QazAqparat.
E.Kolpakova óz mamandyǵy boiynsha 27 jyl qyzmet etip keledi.
Báiterek aýdanyndaǵy provizorlyq statsionar biylǵy 20 aqpannan beri jumys jasaýda. Onda Báiterek aýdandyq aýrýhanasynyń qyzmetkerleri uiymshyldyqpen qyzmet atqarýda.
Onyń sózine qaraǵanda, statsionarǵa túskenderden synama alynady. Synama barlyq saqtyq sharalary qoldanyla otyryp, virýsologiialyq zerthanaǵa jiberiledi. Koronavirýs anyqtalǵan jaǵdaida naýqas birden oblystyq juqpaly aýrýlar aýrýhanasyna aýystyrylady. Al JRVI jáne pnevmoniiamen aýyrǵandar osynda emdeledi.
«Karantindik jumysqa ázirlik turaqty júrgizildi. Sondyqtan asa bir qiyndyq týyndaǵan joq. Negizgi quram ústemeaqy bolatynyn bilmei-aq jumys istedi. Barlyq qaýipsizdik talaptaryn saqtai otyryp, karantinde jatqan emdelýshilerge qyzmet kórsetti. Bul – kez kelgen juqpaly aýrýlar statsionaryndaǵy qalypty jumys. Árine, ústemeaqynyń tólenýin qyzmetkerler eńbektiń baǵalanýy retinde qabyldady. Bul bizge jaýapkershilik júgin ústei túsedi», - dedi QazAqparat tilshisine Elena Kolpakova.
Eske sala keteiik, BQO-da 215 meditsina qyzmetkerine 22,6 mln teńge somasyna ústemeaqy berildi.
Jalpy óńirde koronavirýsqa shaldyǵýdyń 11 oqiǵasy tirkeldi. Sońǵy anyqtalǵan eki naýqastyń biri Reseiden kelgen.
