Foto: QR TSM
Qazaqstannyń ústel tennisi federatsiiasy Parij Olimpiadasynda sheberlik tanytyp, myqtylarmen iyq tirestire bilgen Kirill Gerasimenkony júlde almasa da marapatsyz qaldyrmady, dep habarlaidy "Ult aqparat" Kazinform-ǵa silteme jasap.
Esterińizge salsaq, Kirill Gerasimenko erler arasyndaǵy jekelei synda 9-oryndy ielendi. Buǵan deiin qazaqstandyq ústel tennis sheberleri mundai nátijege qol jetkizgen emes.
Gerasimenko Parij Olimpiadasyndaǵy alǵashqy kezdesýinde Panamerika oiyndarynyń jartylai finalisi chililik Býrgosty jeńdi. Al ekinshi kezdesýinde sensatsiia jasap, aidy aspanǵa shyǵardy. Atap aitsaq, Eýropa chempiony nemis Dan Tsiýdan 3-1 esebimen jeńilip jatyp, 4-3 esebimen jeńisti julyp aldy.
Al shirek finalǵa joldama alý jolynda tórt Olimpiadanyń qatysýshysy, tájiribeli Omar Assarmen (Egipet) sheberlik baiqasyp, 4-2 esebimen ese jibergen edi.
Aita keteiik, Parij Olimpiadasynan keiin Gerasimenko álemdik reitingtegi pozitsiiasyn 46-dan 37-ge deiin jaqsartty.
«Bul – bizdiń sport úshin tarihi oqiǵa. Týrnir barysynda Kirill erik-jigerdiń myzǵymas kúshin, sheberligin, kásibiligin jáne naǵyz sporttyq talantyn kórsetti. Ol ústel tennisiniń qazaqstandyq sheberleri álemdegi eń myqty sportshylarmen laiyqty básekelese alatynyn kórsetti», - dedi Qazaqstan ústel tennisi federatsiiasynyń prezidenti Daniiar Ábilǵazin.
Esterińizge salsaq, buǵan deiin Kirill Gerasimenko aldaǵy Olimpiada oiyndaryna qatysty josparymen bólisken bolatyn.
