QR Tsifrlyq damý, innovatsiialar jáne areroǵarysh ónerkásibi vitse-ministri Abylaihan Ospanov jáne QR Ishki ister ministrliginiń Kóshi-qon qyzmeti komitetiniń tóraǵasynyń orynbasary Galina Sársenova Úkimettiń baspasóz ortalyǵynda ótken baspasóz konferentsiiasynda mekenjai anyqtamasyn alý boiynsha úshinshi tulǵalar servisiniń jumysy týraly aityp berdi, dep habarlaidy "Ult aqparat" primeminister.kz saityna silteme jasap.
A. Ospanovtyń aitýynsha, azamattyń tirkelýi týraly aqparat qajet bolǵan memlekettik emes uiymdar, onyń ishinde jekemenshik kompaniialar ony egov.kz elektrondy úkimet portalynda úshinshi tulǵalar servisi arqyly ala alady. Bul tek, eger azamat SMS arqyly óziniń tirkelýi týraly málimetterdi bir rettik alýǵa kelisimin bergen jaǵdaida múmkin bolady.
«Sizder búginde jeke kabinetińizden qai jerde tirkelgenińiz jáne sizdiń páterińizde qandai azamattardyń tirkelgeni týraly málimetterdi kóre alasyzdar. Páter iesi retinde sizdiń qazir mundai múmkindigińiz bar. Eger qandai da bir sebepterge bailanysty bireýge qai jerde turyp jatqanyńyzdy dáleldeý qajet bolsa, onda ondai servis búgingi kúni bar», — dedi A. Ospanov.
Ondai SMS-ti alý úshin azamat mobildi azamattar bazasynda tirkelgen bolýy tiis. Óz betinshe tirkelýge (egov.kz portalynda Jeke kabinette «Telefon» baǵanynda telefon nómirin ózgertip nemese rastap, óz ETsQ árkettiligin naqtylaý kerek) nemese HQKO-ynyń kez kelgen bólimshesine júginýge bolady (qyzmet tegin kórsetiledi, 5 minýttan artyq ýaqyt almaidy).
A. Ospanov aitqandai, 1 qarashadan bastap bul servis mobildi qosymshada qoljetimdi bolady.
Suranys jasaý tetigi qarapaiym: uiym nemese kez kelgen azamat egov.kz portalynda JSN engizý arqyly portal qoldanýshysynan qandai da bir aqparatty oqýǵa ruqsat berýin suraidy. Ol turǵylyqty jeri boiynsha mekenjai anyqtamasy ǵana emes, jyljymaityn múliktiń joqtyǵy (bar ekeni) týraly anyqtama, jyljymaityn múlikke tirkelgen quqyqtar týraly anyqtama, sottalǵany nemese sottalmaǵany týraly anyqtama t.b. bolýy múmkin. Qazirgi tańda bes anyqtama suranysqa ie.
Odan soń osy aqparaty suralyp otyrǵan adam elektrondy úkimet portalyndaǵy jeke kabinetinde nemese SMS arqyly aqparatty berýge óziniń kelisimin rastaidy. Bul ruqsat tek bir operatsiiaǵa qatysty.
Suranys jasaǵan tulǵaǵa sol suranys bergen aqparaty kórinedi. A. Ospanov bul rette atalǵan aqparattyń tek bir ret kórý úshin ǵana qoljetimdi bolatynyna jáne tek ony suraǵan adamǵa ǵana kórýge ruqsat beriletinine nazar aýdartty.
Úshinshi tulǵa retinde jeke tulǵa da, zańdy tulǵa da bola alatynyn aita ketý kerek (bankter, mektepter, JOO-lar, emhanalar, kommertsiialyq uiymdar, memlekettik mekemeler t.b.), al qoldanýshy rólinde tek jeke tulǵa bola alady.
Sonymen qosa, QR Ishki ister ministrliginiń Kóshi-qon qyzmeti komiteti tóraǵasynyń orynbasary Galina Sársenova jeke bas málimetterin qorǵaý jónindegi zańǵa sáikes tirkelý týraly málimetter qoljetimdiligi shekteýli derekter bolyp tabylatynyn aitty.
«Qazir bankter málimetterdi paidalansa da, eshkimniń buǵan qatysty saýaldary týyndamaidy. Sizder derekterińizdi paidalanýǵa kelisim beresizder, jeke basyńyzǵa qatysty derekterdi, aty-jónderińizdi, tegińizdi, týǵan jyl, ai-kúnińizdi jáne basqa da derekterdi usynasyzdar, bul derekter qoljetimdiligi shekteýli málimetter qataryna jatady. Úshinshi tulǵaldardyń turǵylyqty mekenjaiy t.b. týraly aqparatqa qoljetimdiligi jaǵdaiynda da osyndai jait oryn alady. Siz óz kelisimińizdi beresiz. Onsyz eshkimniń qoljetimdiligi shekteýli bolyp sanalatyn málimetterdi paidalanýyna quqyǵy bolmaidy», — dedi G. Sársenova.
