Áýe kemesiniń apattyq esigin ashqan er adam ákimshilik jaýapkershilikke tartyldy, – dep habarlaidy Polisia.kz.
"23 jeltoqsanda Fly Arystan áýe kompaniiasy ókilderiniń ótinishi boiynsha Almaty qalasy áýejaiyndaǵy jelilik politsiia bóliminiń qyzmetkerleri Shymkent – Almaty baǵytyndaǵy reis jolaýshysyn anyqtap, ustady. Quqyq buzýshy akt boiynsha reisten túsirildi.
Tekserý barysynda ushaq bortyndaǵy qaýipsizdik erejelerine baǵynbaǵan Almaty qalasynyń 29 jastaǵy mas turǵyny anyqtaldy. Meditsinalyq kýálandyrý qorytyndysyna sáikes, ol “ortasha dárejeli” mas kúide bolǵan.
Politsiia qyzmetkerleri quqyq buzýshyǵa qatysty QR ÁQBtK-niń 440-baby 1-bóligi, 566-baby 1-bóligi, 434-baby 1-bóligi boiynsha birden úsh ákimshilik hattama toltyryp, 8 AEK kóleminde aiyppul saldy. Usaq buzaqylyq boiynsha is sheshim qabyldaý úshin Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna joldanady" - delingen habarlamada.
Atalǵan bap boiynsha quqyq buzýshy 15 táýlikke deiingi ákimshilik qamaýǵa alý túrinde jazalanýy múmkin.
