Ómir men ólim ústindegi bala janyn ajaldan arashalap qalǵan túrkiialyq dáriger marapattaldy, dep habarlaidy «Habar 24».
Osydan birneshe ai buryn Bishkekten Ystanbulǵa ushyp kele jatqan qazaqstandyq náresteniń júregi syr berip, toqtap qalady. Muny estigen borttaǵy túrik depýtaty ári dáriger Rejep Sheker jasandy tynys aldyryp, júregine massaj jasap, sábidi aman alyp qalady. Oqiǵamen tanys bolǵan Memleket basshysy Qasym-Jomart Toqaev Rejep Shekerge «Erekshe batyldyǵy úshin» alǵys hatyn jóneltti. Prezidenttiń marapatyn Qazaqstannyń Túrkiiadaǵy Tótenshe jáne ókiletti elshisi Abzal Saparbekuly túrik parlamentinde tabystap, júrek jardy alǵysyn bildirdi.
Saltanatty sharaǵa Túrkiia Uly ulttyq Májilisiniń depýtattary men qyzmetkerleri qatysty.
Óz kezeginde Rejep Sheker: «Árbir oqiǵanyń ózindik máni bar» dep, aldaǵy ýaqytta eki el arasyndaǵy yntymaqtastyqty arttyrý úshin bar kúsh-jigerin jumsaityndyǵyn jetkizdi.
«Oqiǵanyń bolǵany ókinishti. Degenmen, nátijesi jaqsy. Nárestelerdiń otbasymen habarlasyp turamyz. Tipti birneshe kún buryn beine joldapty. Salmaq qosypty. Aman bolsyn. Eki eldiń baýyrlastyq jáne dostyq qatynasyna sebepshi boldy. Iltipat bildirgen Prezident Qasym- Jomart Toqaevqa alǵysymdy bildirip, birer kún buryn ótken týǵan kúnimen quttyqtaimyn»,- dedi dáriger Rejep Sheker.
