ٶمٸر مەن ٶلٸم ٷستٸندەگٸ بالا جانىن اجالدان اراشالاپ قالعان تٷركييالىق دەرٸگەر ماراپاتتالدى, دەپ حابارلايدى «حابار 24».
وسىدان بٸرنەشە اي بۇرىن بٸشكەكتەن ىستانبۇلعا ۇشىپ كەلە جاتقان قازاقستاندىق نەرەستەنٸڭ جٷرەگٸ سىر بەرٸپ, توقتاپ قالادى. مۇنى ەستٸگەن بورتتاعى تٷرٸك دەپۋتاتى ەرٸ دەرٸگەر رەجەپ شەكەر جاساندى تىنىس الدىرىپ, جٷرەگٸنە ماسساج جاساپ, سەبيدٸ امان الىپ قالادى. وقيعامەن تانىس بولعان مەملەكەت باسشىسى قاسىم-جومارت توقاەۆ رەجەپ شەكەرگە «ەرەكشە باتىلدىعى ٷشٸن» العىس حاتىن جٶنەلتتٸ. پرەزيدەنتتٸڭ ماراپاتىن قازاقستاننىڭ تٷركيياداعى تٶتەنشە جەنە ٶكٸلەتتٸ ەلشٸسٸ ابزال ساپاربەكۇلى تٷرٸك پارلامەنتٸندە تابىستاپ, جٷرەك جاردى العىسىن بٸلدٸردٸ.
سالتاناتتى شاراعا تٷركييا ۇلى ۇلتتىق مەجٸلٸسٸنٸڭ دەپۋتاتتارى مەن قىزمەتكەرلەرٸ قاتىستى.
ٶز كەزەگٸندە رەجەپ شەكەر: «ەربٸر وقيعانىڭ ٶزٸندٸك مەنٸ بار» دەپ, الداعى ۋاقىتتا ەكٸ ەل اراسىنداعى ىنتىماقتاستىقتى ارتتىرۋ ٷشٸن بار كٷش-جٸگەرٸن جۇمسايتىندىعىن جەتكٸزدٸ.
«وقيعانىڭ بولعانى ٶكٸنٸشتٸ. دەگەنمەن, نەتيجەسٸ جاقسى. نەرەستەلەردٸڭ وتباسىمەن حابارلاسىپ تۇرامىز. تٸپتٸ بٸرنەشە كٷن بۇرىن بەينە جولداپتى. سالماق قوسىپتى. امان بولسىن. ەكٸ ەلدٸڭ باۋىرلاستىق جەنە دوستىق قاتىناسىنا سەبەپشٸ بولدى. ٸلتيپات بٸلدٸرگەن پرەزيدەنت قاسىم- جومارت توقاەۆقا العىسىمدى بٸلدٸرٸپ, بٸرەر كٷن بۇرىن ٶتكەن تۋعان كٷنٸمەن قۇتتىقتايمىن»,- دەدٸ دەرٸگەر رەجەپ شەكەر.
