Ekipaj músheleri úshin koronavirýs juqtyrmaǵany týraly anyqtama 14 kúnge jaramdy. Bul týraly Kóliktegi Bas memlekettik sanitarlyq dáriger Sádýaqas Baiǵabylov, dep habarlaidy QazAqparat.
«Ushaq bortynda jolaýshylar araǵa bir oryndyq qaldyryp otyrýlary kerek. Bul – basty talaptardyń biri. Osyǵan orai ushaq bortynda oryndyqtardyń 60%-ynda jolaýshylar otyratyn bolady. Munyń bári jolaýshylardyń qaýipsiz qashyqtyqty saqtaýlary úshin kerek. Al bilet qunynyń ósý-óspeýin Azamattyq aviatsiia komiteti sheshedi. Sonymen qatar koronavirýspen aýyrmaitynyn rastaityn anyqtama jolaýshylar úshin jeti kúnge deiin jaramdy», - deidi Kóliktegi Bas memlekettik sanitarlyq dáriger Sádýaqas Baiǵabylov.
Ol ushaqqa otyratyn balalarda da koronavirýspen aýyrmaǵany týraly anyqtama bolýy kerek jáne maska taǵyp otyrýlary qajet ekenin aitty.
«Ekipaj músheleri men bortserik kúndelikti meditsinalyq tekseristen ótedi. Meditsinalyq qyzmetshiler olardyń dene qyzýyn ólshep, sýyq tiiýge qatysty aýrý belgileri bar-joǵyn anyqtaidy. Olar úshin koronavirýs juqtyrmaǵany týraly anyqtama 14 kúnge jaramdy. Olar tapsyratyn test aqysyn áýe kompaniiasynyń basshylary tóleidi», - deidi ol.
