Kólik politseileri ushaq bortynda shylym shekken 32 jastaǵy Ózbekstan azamatyna aiyppul saldy, dep habarlaidy "Ult aqparat".
Oqiǵa Air Astana áýe kompaniiasyna tiesili ushaqta bolǵan. Kompaniia ókili Kóliktegi politsiia departamentine habarlasyp, «Tashkent-Almaty» baǵytyndaǵy áýe reisiniń jolaýshylary arasynda quqyq buzýshy bar ekenin málimdegen.
«Ushyp kelgen boida Ózbekstan azamatshasy politseilerge tapsyryldy. Tekserý barysynda kólik politseileri ushaq bortynda elektrondy temeki shegetin Ózbekstan Respýblikasynyń 32 jastaǵy azamatyn anyqtady. Onyń ústinen Ákimshilik quqyq buzý týraly kodekstiń 41-babynyń 1,2-bóligi boiynsha ákimshilik hattama toltyryldy jáne 50 AEK mólsherinde aiyppul salyndy», - deidi Kóliktegi politsiia departamenti bastyǵynyń birinshi orynbasary Qalijan Qoblandin.
Sondai-aq, ol 15 shildede «Bodrým-Almaty» jáne «Pavlodar-Almaty» áýe kemeleriniń bortynda da osyndai jaǵdailar tirkelgenin atap ótti.
«Ol kezde Almaty, Pavlodar qalalarynyń 19 jáne 36 jastaǵy turǵyndary elektrondy shylym shekkeni úshin 50 AEK mólsherinde aiyppul tólegen bolatyn», - dedi departament ókili.
Vedomstvonyń deregi boiynsha, jyl basynan beri kólik politseileri túrli ákimshilik quqyq buzýshylyqtarǵa barǵany úshin 24 985 azamatty, tyiym salynǵan jerde shylym shekken 532 azamatty ákimshilik jaýapkershilikke tartqan.
