Búgin Almaty oblysynyń Boraldai kentinde Ulttyq qaýipsizdik komiteti basshylyǵy qatysqan UQK Aviatsiia qyzmetiniń qaza tapqan áskeri qyzmetshilerine áskeri qurmet kórsetý rásimi ótti, dep habarlaidy "Ult aqparat" QR UQK baspasóz qyzmetine silteme jasap.
«Qaza bolǵandardy jerleý ornyna jetkizý úshin Ulttyq qaýipsizdik komitetiniń jerústi jáne áýe kólik quraldary tartyldy. UQK apat saldarynan qaza tapqan jáne zardap shekken áskeri qyzmetshilerdiń týystary men jaqyndaryna barlyq qajetti kómek pen qoldaý kórsetýde» , - delingen habarlamada.
Qyzmettik mindetterin oryndaý kezinde mert bolǵan áskeri qyzmetshiler eske alynyp, UQK Ortalyq apparatynyń ǵimaratynda vedomstvolyq tý tómen túsirildi, saǵat 17:22-de ulttyq qaýipsizdik organdarynda «Bir minýt únsizdik» jariialanady.
Qurylǵan vedomstvoaralyq jumys komissiiasy áýe apatynyń mán-jaiyn anyqtaý jáne borttaǵy ózdiginen jazatyn quraldy taldaý boiynsha jumys júrgizýde.
Eske sala keteiik, 13 naýryz kúni Nur-Sultan-Almaty baǵytynda kele jatqan AN-26 áskeri ushaǵy saǵat 17:22 kezinde radardan joǵalyp, qala áýejaiy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klinikalyq aýrýhanasyna jetkizildi.
Ushaq apaty bolǵan jerge qala ákimi Baqytjan Saǵyntaev baryp, zardap shekkenderge barynsha kómek kórsetýdi tapsyrdy.
Sonymen qatar, Memleket basshysy áýe apatynyń sebepterin anyqtaýdy mindettedi.
Qazaqstan Respýblikasy Ulttyq qaýipsizdik komiteti Almatyda apatqa ushyraǵan ushaqtyń qara jáshigindegi derekter tekserilip jatqandyǵyn málim etti.
