بٷگٸن الماتى وبلىسىنىڭ بورالداي كەنتٸندە ۇلتتىق قاۋٸپسٸزدٸك كوميتەتٸ باسشىلىعى قاتىسقان ۇقك اۆياتسييا قىزمەتٸنٸڭ قازا تاپقان ەسكەري قىزمەتشٸلەرٸنە ەسكەري قۇرمەت كٶرسەتۋ رەسٸمٸ ٶتتٸ, دەپ حابارلايدى "ۇلت اقپارات" قر ۇقك باسپاسٶز قىزمەتٸنە سٸلتەمە جاساپ.
«قازا بولعانداردى جەرلەۋ ورنىنا جەتكٸزۋ ٷشٸن ۇلتتىق قاۋٸپسٸزدٸك كوميتەتٸنٸڭ جەرٷستٸ جەنە ەۋە كٶلٸك قۇرالدارى تارتىلدى. ۇقك اپات سالدارىنان قازا تاپقان جەنە زارداپ شەككەن ەسكەري قىزمەتشٸلەردٸڭ تۋىستارى مەن جاقىندارىنا بارلىق قاجەتتٸ كٶمەك پەن قولداۋ كٶرسەتۋدە» , - دەلٸنگەن حابارلامادا.
قىزمەتتٸك مٸندەتتەرٸن ورىنداۋ كەزٸندە مەرت بولعان ەسكەري قىزمەتشٸلەر ەسكە الىنىپ, ۇقك ورتالىق اپپاراتىنىڭ عيماراتىندا ۆەدومستۆولىق تۋ تٶمەن تٷسٸرٸلدٸ, ساعات 17:22-دە ۇلتتىق قاۋٸپسٸزدٸك ورگاندارىندا «بٸر مينۋت ٷنسٸزدٸك» جارييالانادى.
قۇرىلعان ۆەدومستۆوارالىق جۇمىس كوميسسيياسى ەۋە اپاتىنىڭ مەن-جايىن انىقتاۋ جەنە بورتتاعى ٶزدٸگٸنەن جازاتىن قۇرالدى تالداۋ بويىنشا جۇمىس جٷرگٸزۋدە.
ەسكە سالا كەتەيٸك, 13 ناۋرىز كٷنٸ نۇر-سۇلتان-الماتى باعىتىندا كەلە جاتقان ان-26 ەسكەري ۇشاعى ساعات 17:22 كەزٸندە راداردان جوعالىپ, قالا ەۋەجايى ماڭىندا اپاتقا ۇشىراعان ەدٸ.
ۇشاقتا بولعان 4 ادام قازا تاپتى. 2 ادام تٷرلٸ جاراقاتپەن الماتى قالاسىنىڭ №4 قالالىق كلينيكالىق اۋرۋحاناسىنا جەتكٸزٸلدٸ.
ۇشاق اپاتى بولعان جەرگە قالا ەكٸمٸ باقىتجان ساعىنتاەۆ بارىپ, زارداپ شەككەندەرگە بارىنشا كٶمەك كٶرسەتۋدٸ تاپسىردى.
سونىمەن قاتار, مەملەكەت باسشىسى ەۋە اپاتىنىڭ سەبەپتەرٸن انىقتاۋدى مٸندەتتەدٸ.
قازاقستان رەسپۋبليكاسى ۇلتتىق قاۋٸپسٸزدٸك كوميتەتٸ الماتىدا اپاتقا ۇشىراعان ۇشاقتىڭ قارا جەشٸگٸندەگٸ دەرەكتەر تەكسەرٸلٸپ جاتقاندىعىن مەلٸم ەتتٸ.
