Almatyda dárigerler ushaq apatynan japa shekken eki adamnyń densaýlyǵy jaily aitty, dep habarlaidy «Ult aqparat».
Oqiǵa ornynda Almaty qalasy Qoǵamdyq densaýlyq basqarmasynyń jedel járdemniń 10 reanimatsiialyq brigadasy jumys istep jatyr.
«Zardap shekken adamnyń biri 33 jastaǵy er adamnyń sol jaq sany ashyq synǵan, jabyq mi jaraqatyn alǵan. 25 jastaǵy jigit mi jaraqatyn alǵan, qol saýsaqtary synǵan. Sonymen qatar, 2-3 dárejeli kúiik alǵan. Qazir olar Almatydaǵy 4 aýrýhananyń jansaqtaý bóliminde jatyr. Jaǵdailary óte aýyr. Dárigerler zardap shekkenderdiń ómirin qutqarý úshin bar kúshin salýda. Barlyq kadrlar, sonyń ishinde qalanyń bas reanimatology jumyldyryldy»,- dedi basqarmadan.
Eske salsaq, búgin Nur-Sultan-Almaty baǵytynda kele jatqan AN-26 áskeri ushaǵy 17.22-de radardan joǵalyp, qala áýejaiy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqattarmen Almaty qalasynyń 4-qalalyq klinikalyq aýrýhanasyna jetkizildi.
