الماتىدا دەرٸگەرلەر ۇشاق اپاتىنان جاپا شەككەن ەكٸ ادامنىڭ دەنساۋلىعى جايلى ايتتى, دەپ حابارلايدى «ۇلت اقپارات».
وقيعا ورنىندا الماتى قالاسى قوعامدىق دەنساۋلىق باسقارماسىنىڭ جەدەل جەردەمنٸڭ 10 رەانيماتسييالىق بريگاداسى جۇمىس ٸستەپ جاتىر.
«زارداپ شەككەن ادامنىڭ بٸرٸ 33 جاستاعى ەر ادامنىڭ سول جاق سانى اشىق سىنعان, جابىق مي جاراقاتىن العان. 25 جاستاعى جٸگٸت مي جاراقاتىن العان, قول ساۋساقتارى سىنعان. سونىمەن قاتار, 2-3 دەرەجەلٸ كٷيٸك العان. قازٸر ولار الماتىداعى 4 اۋرۋحانانىڭ جانساقتاۋ بٶلٸمٸندە جاتىر. جاعدايلارى ٶتە اۋىر. دەرٸگەرلەر زارداپ شەككەندەردٸڭ ٶمٸرٸن قۇتقارۋ ٷشٸن بار كٷشٸن سالۋدا. بارلىق كادرلار, سونىڭ ٸشٸندە قالانىڭ باس رەانيماتولوگى جۇمىلدىرىلدى»,- دەدٸ باسقارمادان.
ەسكە سالساق, بٷگٸن نۇر-سۇلتان-الماتى باعىتىندا كەلە جاتقان ان-26 ەسكەري ۇشاعى 17.22-دە راداردان جوعالىپ, قالا ەۋەجايى ماڭىندا اپاتقا ۇشىراعان ەدٸ.
ۇشاقتا بولعان 4 ادام قازا تاپتى. 2 ادام تٷرلٸ جاراقاتتارمەن الماتى قالاسىنىڭ 4-قالالىق كلينيكالىق اۋرۋحاناسىنا جەتكٸزٸلدٸ.
