Parlament Májilisiniń tóraǵasy Nurlan Nyǵmatýlin palatanyń «2022 – 2024 jyldarǵa arnalǵan respýblikalyq biýdjet týraly» zań jobasy maquldaýyna qatysty pikir bildirdi, dep habarlaidy QazAqparat.
«Úsh jyldyq biýdjette birinshi kezekte ádettegidei áleýmettik mindetterdi qarjylandyrýǵa erekshe nazar aýdaryldy. Shyn máninde biýdjettiń jartysy osy salaǵa arnalyp otyr. Sonymen birge, eńbekpen qamtý, kásipkerlikti qoldaý, biznesti damytý, aýyldy órkendetý jáne basqa da salalarǵa tiisti qarajat qaraldy. Osynyń nátijesinde elimizdiń, halqymyzdyń áleýmettik-ekonomikalyq baǵytyn odan ári nyǵaitýǵa taǵy bir naqty qadam jasadyq», - dedi N. Nyǵmatýlin Májilistiń jalpy otyrysynda.
Osy oraida ol aldaǵy eń basty mindet – bekitilgen qarajatty josparǵa sáikes der kezinde tiimdi igerý ekenin atap ótti.
«Osy jolda Úkimet depýtattyq korpýspen birge nátijeli jumys atqarady dep senemiz. Aldaǵy úsh jylǵa arnalǵan respýblikalyq biýdjettiń jobasy memlekettiń barlyq áleýmettik mindettemelerin oryndaýǵa múmkindik beretindei qalyptastyryldy. Ekinshiden, eldiń damý maqsattaryna jaýap beredi, úshinshiden, postpandemiialyq qalpyna kelýdiń ońai emes ahýalyn eskeredi», - dedi Májilis tóraǵasy.
Budan buryn habarlanǵandai, Parlament Májilisiniń jalpy otyrysynda «2022 – 2024 jyldarǵa arnalǵan respýblikalyq biýdjet týraly» zań jobasy maquldandy.
