QR Densaýlyq saqtaý ministri meditsina qyzmetkerleriniń qarjylai jáne zańdy qorǵalýy uiǵarymy neni bildiretinin, olardyń quqyqtary qalai qorǵalatynyn túsindirdi, dep habarlaidy "Ult aqparat".
«Qoldanystaǵy zańnamaǵa sáikes, meditsina qyzmetkerleri adamnyń densaýlyǵyna jeńil-jelpi ziian keltirgeni úshin Ákimshilik quqyq buzýshylyq týraly kodekstiń 80-82-baptarymen ákimshilik jaýapkershilikke jáne Qylmystyq kodekstiń 317-323-baptarymen qylmystyq jaýapkershilike tartylady. Onyń ishinde quqyq buzýshylyqtyń basym bóligi meditsina nemese farmatsevtika qyzmetkerleriniń kásibi mindetterin tiisti deńgeide oryndamaýyna bailanysty kodekstiń 317-babyna týra keledi», - dep atap ótedi ministrlik.
Vedomstvo málimetinshe, 2017-2020 jyldardyń aralyǵynda sotqa QR Qylmystyq kodeksiniń 317-babymen 50 qylmystyq is tústi. Onyń 43-i qaralyp,70 tulǵaǵa qatysty úkim shyǵaryldy.
Densaýlyq saqtaý ministrliginiń baspasóz qyzmeti qaralatyn qylmystyq isterdiń basym bóligi patsientterdiń paidasyna shyǵarylatyndyǵyn atap ótedi. Iaǵni, meditsina qyzmetkerlerine aitarlyqtai materialdyq ótemaqy tóleýine týra keledi. Qylmystyq isterdiń kópshiligi hirýrgiialyq aralasý jasalatyn, iaǵni únemi ólim-jitim táýekeli joǵary mamandyqtarǵa tiesili. Olar akýsher-ginekologiiada – 14, hirýrgiiada – 14, travmatologiiada – 8 adam. Anesteziologiia mamandyǵynda da ótemaqy tólegenderdiń qatary kóp.
Joǵaryda atalǵan bap aiasynda zardap shekkenderdiń paidasyna sheshilgen moraldyq jáne materialdyq shyǵyn ótemaqysynyń kólemi 40 mln teńgeden asyp jyǵylady Meditsina qyzetkerleriniń saqtandyrý polisi bolǵan jaǵdaida ǵana sot sheshimimen saqtandyrý ótemaqysy tólenedi. Eger patsienttiń ómiri men densaýlyǵyna keltirilgen ziiandy baǵalaýdy qaraý qylmystyq jaýapkershilikke ótetin bolsa, onda mundai jaǵdaida saqtandyrý tólemi berilmeidi. Sondyqtan saqtandyrý tólemi óte sirek nemese saqtandyrý jaǵdaiynyń bolmaýyna bailanysty múldem tólenbeidi.
Osylaisha, meditsinalyq oqiǵa oryn alǵan jaǵdaida meditsina qyzmetkeri kúrdeli jáitpen jalǵyz ózi betpe-bet qalady. Meditsina qyzmetkerleriniń qazirgi jalaqylaryn eskerer bolsaq, patsientke kelgen shyǵyndy olardyń óz betinshe óteýi múmkin emes. Dál osy sebeppen meditsina qyzmetkerlerin zańdy qorǵaý degen meditsina qyzmetkerleriniń meditsinalyq qyzmetti júzege asyrýy barysyndaǵy kásibi jaýapkershiligin saqtandyrýdy engizý degendi bildiredi.
«Qazirgi ýaqytta júktelegen mindetterdi oryndaý úshin QR Densaýlyq saqtaý ministrligi «Qazaqstan Respýblikasynyń densaýlyq saqtaý máseleleri boiynsha keibir zańnamalyq aktilerine ózgertýler men tolyqtyrýlar engizý týraly» zań jobasyn ázirleýde. Onda QR QK 317-babyn sanktsiialardy jeńildetý, sonymen qatar meditsina qyzmetkerleriniń kásibi jaýakershiligin saqtandyrýdy engizý arqyly izgilendirý kózdeledi. Sodai-aq atalǵan zań jobasynda meditsina qyzmetkerleriniń mártebesin arttyrýdy kózdeitin ereje qarastyrylady: áleýmettik kepil, laýazymdy jáne ózge tulǵalardyń tarapynan zańsyz aralasýdan qorǵaý, mamandyqqa qurmetpen qaraý, yntalandyrýshy tólemder berý arqyly «Qazaqstan Respýblikasynyń qurmetti dárigeri» ataǵyn engizý»,- dedi ministrlikten.
