Almaty oblysynda úsh jasar bala jelsheshekten kóz jumdy, dep habarlaidy "Ult aqparat".
Qaiǵyly oqiǵa týraly «Vremia» gazeti jazǵan. Ótken jyldyń jeltoqsan aiynyń basynda ul bala jelsheshekpen aýyryp qalǵan. Kóp ótpei balanyń densaýlyǵy nasharlai bastaǵan. Keiin balanyń jelsheshek entsefaliti órship ketkeni anyqtalǵan.
«QR Densaýlyq saqtaý ministri Eljan Birtanovtyń tapsyrmasymen jelsheshekten kóz jumǵan balanyń jaǵdaiyna qatysty táýelsiz sarapshylar shaqyrylyp, jospardan tys tekseris jumystary júrgizilip jatyr. Jelsheshek diagnozy qoiylǵan kezde balaǵa kórsetilgen meditsinalyq kómektiń durystyǵy tekseriledi», - dep jazdy QR DSM Taýarlar men qyzmetter qaýipsizdigi jáne sapasyn baqylaý komitetiniń tóraiymy Liýdmila Biýrabekova Facebook-tegi paraqshasynda.
Komitet basshysy MÁMS júiesin úilestirý boiynsha aimaqtyq shtabtardyń jumysy aiasynda vitse-ministr Lázzat Aqtaeva atalmysh jaǵdaidy nazaryna alatynyn habarlady.
