Úsh ulttyq joba halyqtyń tabysyn 27 paiyzǵa arttyrýǵa múmkindik beredi. Bul týraly Ortalyq kommýnikatsiialar qyzmetindegi baspasóz máslihatynda QR Ulttyq ekonomika ministri Áset Erǵaliev aitty, dep habarlaidy QazAqparat.
Ministrdiń aitýynsha, «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý», «Kásipkerlikti damytý», sondai-aq «Qýatty óńirler - el damýynyń draiveri» atty ulttyq jobalar elimizde 450 myń turaqty jumys ornyn ashýǵa múmkindik beredi.
«Úsh ulttyq jobany tiimdi iske asyrý ornyqty ekonomikalyq ósýdi 5 paiyzdan tómen emes deńgeide qamtamasyz etýge, halyqtyń tabysyn 27 paiyzǵa arttyrýǵa jáne elimiz boiynsha 450 myń turaqty jumys ornyn qurýǵa, sondai-aq Dúniejúzilik ekonomikalyq forýmnyń básekege qabilettilik reitinginde infraqurylym sapasy boiynsha Qazaqstannyń ustanymyn 40-orynǵa deiin jaqsartýǵa múmkindik beredi», - dedi ol.
Onyń atap ótýinshe, ulttyq jobalar - bul qazaqstandyqtardyń ál-aýqatyn qamtamasyz etýge baǵyttalǵan naqty, shynaiy, qoljetimdi maqsattar men mindetterdiń tizbesi.
«Ulttyq jobalar elimizdiń Energetika, Saýda jáne integratsiia, Indýstriia jáne infraqurylymdyq damý, Ekologiia, geologiia jáne tabiǵi resýrstar, Eńbek jáne halyqty áleýmettik qorǵaý, Mádeniet jáne sport ministrlikterimen, sondai-aq Básekelestikti qorǵaý jáne damytý agenttigimen birlesip iske asyrylatyn bolady», - dedi Áset Erǵaliev.
