Qazaqstan Respýblikasy Prezidentiniń Jarlyǵymen qyzmettik boryshyn atqarý kezinde kórsetken erligi, batyldyǵy men qaisarlyǵy úshin úsh órt sóndirýshi «Erligi úshin» medalimen marapattaldy, dep habarlaidy "Ult aqparat" QR IIM TJK baspasóz qyzmetine silteme jasap.
Búgin Qazaqstan Respýblikasynyń Táýelsizdik kúnine arnalǵan saltanatty jiynda Ishki ister ministri Erlan Turǵymbaev Marat Smatillaevqa, Qýanar Baimýrzinge, Ǵalymjan Tóleýqasymovqa nagradalar tapsyrdy.
Bul órt sóndirýshiler qyzmettik boryshyn oryndaý jáne adamdardyń ómirin qutqarý kezinde batyldyq, janqiiarlyq jáne batyrlyq tanytty.
Azamattyq qorǵaý kishi serjanty Smatillaev Marat Shakiruly - Almaty qalasy TJD Órt sóndirý jáne avariialyq-qutqarý jumystary qyzmetiniń № 6 mamandandyrylǵan órt sóndirý bóliminiń órt sóndirýshisi.
2019 jylǵy 7 maýsymda saǵat 05.44-te «101» nómirine Almaty qalasy Bostandyq aýdanyna páterdiń janǵany týraly habar tústi.
Birinshi órt sóndirý bólimderi shaqyrý ornyna kelgen kezde turǵyn úidegi páter janyp jatty, evakýatsiianyń negizgi joldaryn qalyń tútin basqan, órttiń jáne tútinniń úidiń joǵary qabattaryna jáne japsarlas úi-jailarǵa taralý qaýpi týyndady.
Janǵan páterge kireberiste M.Sh. Smatillaev eki balasymen áieldi tapty. Jaǵdaidy baǵalai otyryp, ol óziniń tynys alý maskasyn alyp, qyzǵa kigizip, ony páterden alyp shyǵyp, odan keiin balany, odan keiin áieldi úiden evakýatsiialady.
Onyń saýatty jáne sheber áreketteriniń arqasynda 3 adam, onyń ishinde 2 bala qutqaryldy.
Azamattyq qorǵaý starshinasy Baimýrzin Qýanar Qadyrbaiuly – Aqtóbe oblysy TJD Órt sóndirý jáne avariialyq-qutqarý jumystary qyzmeti №7 órt sóndirý bóliminiń júrgizýshisi.
2019 jylǵy 15 aqpanda saǵat 15.59-da Eset Kótibaruly kóshesindegi №119 úige qarama-qarsy bette qyzmet atqarýdan bos ýaqytta jeke avtokólikpen kele jatyp, Q.Q. Baimýrzin jeke úidiń ortalyq kireberisinen shyqqan qalyń tútindi kórip, «101» jelisine dereý habarlady. Úidiń terezesine júgirip, ol óz betimen shyǵýǵa tyrysty, biraq kireberistiń órtenýine bailanysty múmkin bolmady.
Qatty tútinge jáne arnaiy kiim-keshektiń joqtyǵyna qaramastan, Q.Q. Baimýrzin terezeni qolmen uryp syndyryp, úige kirip, batareiada ilýli turǵan oramaldy alyp, áiel adamdy oramalmen orap, ony tútin basqan úiden tereze arqyly shyǵardy. Odan soń alǵashqy meditsinalyq kómek kórsetti. Áieldiń jaǵdaiy qanaǵattanarlyq ekenine kóz jetkizip, qaýip-qaterdi boldyrmaý maqsatynda gaz jáne elektr berýdi jedel túrde sóndirdi. Órt sóndirý bóliminiń qyzmetkerleri kelgen boida Q.Q. Baimýrzin jaǵdai týraly aityp, áriptesterine kómek kórsetý úshin oqiǵa ornynda qaldy.
Zardap shekken 1955 jyly týǵan azamatsha dárigerlik kómek kórsetý úshin meditsinalyq qyzmetke tapsyryldy. Azamattyq qorǵaý starshinasy Tóleýqasymov Ǵalymjan Serikuly - Shyǵys Qazaqstan oblysy TJD Órt sóndirý jáne avariialyq-qutqarý jumystary qyzmetiniń № 39 órt sóndirý bóliminiń bólimshe komandiri.
2019 jylǵy 13 mamyrda Semei qalasynda turǵyn úilerde shyqqan órt týraly habar tústi. Órt ornyna kelgen soń, jalpy aýdany 250 sharshy metr 4 turǵyn úidiń ashyq jalynmen janyp jatqany anyqtaldy, bul órttiń kórshi úilerge taralý qaýpi boldy.
Órt úilerdiń aǵash konstrýktsiialary boiymen taraldy, qabyrǵalardyń qaptamasy, shatyry, tereze bloktary men sharýashylyq qurylystary jandy.
Órt sóndirý bólimshe komandiri Ǵ.S. Tóleýqasymov oqiǵa ornyna birinshi kelip, jaǵdaidy durys baǵalai otyryp, № 3 shaqyrýdy jariialady jáne GTQQ 2 býynyn qurdy.
Barlaý barysynda úide janyp jatqan úidiń ieleri, sondai-aq eki gaz ballony tabyldy.
Semei q. jasaǵy jeke quramynyń, onyń ishinde Ǵ.S. Tóleýqasymovtyń batyl jáne batyr is-áreketteriniń arqasynda jedel járdem kelgenge deiin zardap shekkender evakýatsiialandy, alǵashqy meditsinalyq kómek kórsetilgennen keiin meditsina qyzmetkerlerine tapsyryldy. 10 adam, onyń ishinde 4 bala qutqarylyp, evakýatsiialandy.
Sonymen qatar, gaz ballonynyń jarylysyna jol berilgen joq, bul qaitymsyz zardaptarǵa ákelýi múmkin edi.
Ǵ.S. Tóleýqasymovtyń basshylyǵymen jeke quramnyń saýatty jáne sheber is-áreketteriniń arqasynda adam shyǵynyna jol berilgen joq.
