قازاقستان رەسپۋبليكاسى پرەزيدەنتٸنٸڭ جارلىعىمەن قىزمەتتٸك بورىشىن اتقارۋ كەزٸندە كٶرسەتكەن ەرلٸگٸ, باتىلدىعى مەن قايسارلىعى ٷشٸن ٷش ٶرت سٶندٸرۋشٸ «ەرلٸگٸ ٷشٸن» مەدالٸمەن ماراپاتتالدى, دەپ حابارلايدى "ۇلت اقپارات" قر ٸٸم تجك باسپاسٶز قىزمەتٸنە سٸلتەمە جاساپ.
بٷگٸن قازاقستان رەسپۋبليكاسىنىڭ تەۋەلسٸزدٸك كٷنٸنە ارنالعان سالتاناتتى جيىندا ٸشكٸ ٸستەر مينيسترٸ ەرلان تۇرعىمباەۆ مارات سماتيللاەۆقا, قۋانار بايمۋرزينگە, عالىمجان تٶلەۋقاسىموۆقا ناگرادالار تاپسىردى.
بۇل ٶرت سٶندٸرۋشٸلەر قىزمەتتٸك بورىشىن ورىنداۋ جەنە ادامداردىڭ ٶمٸرٸن قۇتقارۋ كەزٸندە باتىلدىق, جانقييارلىق جەنە باتىرلىق تانىتتى.
ازاماتتىق قورعاۋ كٸشٸ سەرجانتى سماتيللاەۆ مارات شاكيرۇلى - الماتى قالاسى تجد ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ № 6 مامانداندىرىلعان ٶرت سٶندٸرۋ بٶلٸمٸنٸڭ ٶرت سٶندٸرۋشٸسٸ.
2019 جىلعى 7 ماۋسىمدا ساعات 05.44-تە «101» نٶمٸرٸنە الماتى قالاسى بوستاندىق اۋدانىنا پەتەردٸڭ جانعانى تۋرالى حابار تٷستٸ.
بٸرٸنشٸ ٶرت سٶندٸرۋ بٶلٸمدەرٸ شاقىرۋ ورنىنا كەلگەن كەزدە تۇرعىن ٷيدەگٸ پەتەر جانىپ جاتتى, ەۆاكۋاتسييانىڭ نەگٸزگٸ جولدارىن قالىڭ تٷتٸن باسقان, ٶرتتٸڭ جەنە تٷتٸننٸڭ ٷيدٸڭ جوعارى قاباتتارىنا جەنە جاپسارلاس ٷي-جايلارعا تارالۋ قاۋپٸ تۋىندادى.
جانعان پەتەرگە كٸرەبەرٸستە م.ش. سماتيللاەۆ ەكٸ بالاسىمەن ەيەلدٸ تاپتى. جاعدايدى باعالاي وتىرىپ, ول ٶزٸنٸڭ تىنىس الۋ ماسكاسىن الىپ, قىزعا كيگٸزٸپ, ونى پەتەردەن الىپ شىعىپ, ودان كەيٸن بالانى, ودان كەيٸن ەيەلدٸ ٷيدەن ەۆاكۋاتسييالادى.
ونىڭ ساۋاتتى جەنە شەبەر ەرەكەتتەرٸنٸڭ ارقاسىندا 3 ادام, ونىڭ ٸشٸندە 2 بالا قۇتقارىلدى.
ازاماتتىق قورعاۋ ستارشيناسى بايمۋرزين قۋانار قادىربايۇلى – اقتٶبە وبلىسى تجد ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸ №7 ٶرت سٶندٸرۋ بٶلٸمٸنٸڭ جٷرگٸزۋشٸسٸ.
2019 جىلعى 15 اقپاندا ساعات 15.59-دا ەسەت كٶتٸبارۇلى كٶشەسٸندەگٸ №119 ٷيگە قاراما-قارسى بەتتە قىزمەت اتقارۋدان بوس ۋاقىتتا جەكە اۆتوكٶلٸكپەن كەلە جاتىپ, ق.ق. بايمۋرزين جەكە ٷيدٸڭ ورتالىق كٸرەبەرٸسٸنەن شىققان قالىڭ تٷتٸندٸ كٶرٸپ, «101» جەلٸسٸنە دەرەۋ حابارلادى. ٷيدٸڭ تەرەزەسٸنە جٷگٸرٸپ, ول ٶز بەتٸمەن شىعۋعا تىرىستى, بٸراق كٸرەبەرٸستٸڭ ٶرتەنۋٸنە بايلانىستى مٷمكٸن بولمادى.
قاتتى تٷتٸنگە جەنە ارنايى كيٸم-كەشەكتٸڭ جوقتىعىنا قاراماستان, ق.ق. بايمۋرزين تەرەزەنٸ قولمەن ۇرىپ سىندىرىپ, ٷيگە كٸرٸپ, باتارەيادا ٸلۋلٸ تۇرعان ورامالدى الىپ, ەيەل ادامدى ورامالمەن وراپ, ونى تٷتٸن باسقان ٷيدەن تەرەزە ارقىلى شىعاردى. ودان سوڭ العاشقى مەديتسينالىق كٶمەك كٶرسەتتٸ. ەيەلدٸڭ جاعدايى قاناعاتتانارلىق ەكەنٸنە كٶز جەتكٸزٸپ, قاۋٸپ-قاتەردٸ بولدىرماۋ ماقساتىندا گاز جەنە ەلەكتر بەرۋدٸ جەدەل تٷردە سٶندٸردٸ. ٶرت سٶندٸرۋ بٶلٸمٸنٸڭ قىزمەتكەرلەرٸ كەلگەن بويدا ق.ق. بايمۋرزين جاعداي تۋرالى ايتىپ, ەرٸپتەستەرٸنە كٶمەك كٶرسەتۋ ٷشٸن وقيعا ورنىندا قالدى.
زارداپ شەككەن 1955 جىلى تۋعان ازاماتشا دەرٸگەرلٸك كٶمەك كٶرسەتۋ ٷشٸن مەديتسينالىق قىزمەتكە تاپسىرىلدى. ازاماتتىق قورعاۋ ستارشيناسى تٶلەۋقاسىموۆ عالىمجان سەرٸكۇلى - شىعىس قازاقستان وبلىسى تجد ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ № 39 ٶرت سٶندٸرۋ بٶلٸمٸنٸڭ بٶلٸمشە كومانديرٸ.
2019 جىلعى 13 مامىردا سەمەي قالاسىندا تۇرعىن ٷيلەردە شىققان ٶرت تۋرالى حابار تٷستٸ. ٶرت ورنىنا كەلگەن سوڭ, جالپى اۋدانى 250 شارشى مەتر 4 تۇرعىن ٷيدٸڭ اشىق جالىنمەن جانىپ جاتقانى انىقتالدى, بۇل ٶرتتٸڭ كٶرشٸ ٷيلەرگە تارالۋ قاۋپٸ بولدى.
ٶرت ٷيلەردٸڭ اعاش كونسترۋكتسييالارى بويىمەن تارالدى, قابىرعالاردىڭ قاپتاماسى, شاتىرى, تەرەزە بلوكتارى مەن شارۋاشىلىق قۇرىلىستارى جاندى.
ٶرت سٶندٸرۋ بٶلٸمشە كومانديرٸ ع.س. تٶلەۋقاسىموۆ وقيعا ورنىنا بٸرٸنشٸ كەلٸپ, جاعدايدى دۇرىس باعالاي وتىرىپ, № 3 شاقىرۋدى جارييالادى جەنە گتقق 2 بۋىنىن قۇردى.
بارلاۋ بارىسىندا ٷيدە جانىپ جاتقان ٷيدٸڭ يەلەرٸ, سونداي-اق ەكٸ گاز باللونى تابىلدى.
سەمەي ق. جاساعى جەكە قۇرامىنىڭ, ونىڭ ٸشٸندە ع.س. تٶلەۋقاسىموۆتىڭ باتىل جەنە باتىر ٸس-ەرەكەتتەرٸنٸڭ ارقاسىندا جەدەل جەردەم كەلگەنگە دەيٸن زارداپ شەككەندەر ەۆاكۋاتسييالاندى, العاشقى مەديتسينالىق كٶمەك كٶرسەتٸلگەننەن كەيٸن مەديتسينا قىزمەتكەرلەرٸنە تاپسىرىلدى. 10 ادام, ونىڭ ٸشٸندە 4 بالا قۇتقارىلىپ, ەۆاكۋاتسييالاندى.
سونىمەن قاتار, گاز باللونىنىڭ جارىلىسىنا جول بەرٸلگەن جوق, بۇل قايتىمسىز زارداپتارعا ەكەلۋٸ مٷمكٸن ەدٸ.
ع.س. تٶلەۋقاسىموۆتىڭ باسشىلىعىمەن جەكە قۇرامنىڭ ساۋاتتى جەنە شەبەر ٸس-ەرەكەتتەرٸنٸڭ ارقاسىندا ادام شىعىنىنا جول بەرٸلگەن جوق.
