IV toqsan bastalǵaly QR Bilim jáne ǵylym ministrliginiń call-ortalyǵyna 97 ótinish kelip tústi, dep habarlaidy "Ult aqparat" vedomstvoǵa silteme jasap.
Onyń ishinde ministrdiń qashyqtan oqytý boiynsha esep berýdi talap etpeý jónindegi buiryǵynyń mektep ákimshiligi nemese bilim berý bólimderi tarabynan buzylǵandyǵy týraly pedagogterdiń shaǵymdary da bar.
«Barlyq shaǵymdar qaraldy. Keibir jaǵdailarda buiryqty buzý faktileri rastaldy. Búgingi kúni pedagogterden qashyqtan oqytý boiynsha esep berýdi talap etkeni úshin (videofragmentter, skrinshottar men foto) Almaty oblysynda mektep direktory, Qaraǵandy oblysynda bilim bóliminiń qyzmetkeri jáne Aqtóbe oblysynda ádistemelik kabinettiń meńgerýshisi jazalandy» delingen habarlamada.
Esterińizge sala keteiik, QR Bilim jáne ǵylym ministriniń «COVID-19 koronavirýstyq infektsiia pandemiiasy kezeńinde oqý protsesin qashyqtan oqytý tehnologiialaryna kóshirý kezinde bilim sapasyn qamtamasyz etý boiynsha qosymsha sharalar týraly» buiryǵyna sáikes pedagogterden qashyqtan oqytý boiynsha esep berýdi talap etýge bolmaidy.
Bul másele Bilim jáne ǵylym ministrliginiń erekshe baqylaýynda.
