Qazaqstannyń basym bóliginde frontaldy bólikterdiń ótýine bailanysty qubylmaly kún raiy kútiledi. Kei jerlerde naizaǵai oinap, jańbyr jaýady, daýyl kútiledi. Túnde soltústik-batysta tuman bolady. Respýblikanyń jekelegen óńirlerinde jel kúsheiip, shańdy daýyl turady, burshaq jaýýy yqtimal, dep habarlaidy "Ult aqparat".
«Qazgidromet» RMK málimetine sáikes, Soltústik Qazaqstan, Pavlodar oblystarynyń kei jerlerinde jeldiń ekpini 30 m/s jáne odan da joǵaryǵa jetýi múmkin. Jekelegen aýmaqtarda naizaǵai kútiledi. Soltústik Qazaqstan oblysynda burshaq jaýýy yqtimal.
Qostanai, Aqmola oblystarynda, sondai-aq jeldiń kúshi 30 m/s jáne odan kóp bolýy yqtimal. Kei jerlerde naizaǵai kútiledi. Qostanai oblysynyń jekelegen aýmaqtarynda tuman, burshaq boljanady.
Atyraý oblysynyń kei jerlerinde naizaǵai oinap, burshaq jaýady. Túnde jel 17-22 m/s, kúndiz 15-20 m/s bolady. Kei jerlerde ekpini 23-28 m/s kúsheiedi.
Aqtóbe, Batys Qazaqstan, Shyǵys Qazaqstan oblystarynyń kei jerlerinde túnde jel 15-23 m/s, kúndiz 15-20 m/s, kei jerlerde 23-28 m/s kúsheiýi múmkin. Shyǵys Qazaqstan oblysynda naizaǵai kútiledi. Kúndiz Aqtóbe oblysynda shańdy daýyl turady.
Qaraǵandy oblysynda jel 23-28 m/s artady, túnde kei jerlerinde naizaǵai oinaidy.
Jambyl, Qyzylorda oblystarynyń kei jerlerinde jeldiń kúshi 15-20 m/s jetedi. Jambyl, túnde Qyzylorda oblystarynyń kei jerlerinde naizaǵai oinap, daýyl turady. Jambyl oblysynda burshaq jaýýy yqtimal.
Túrkistan oblysynyń kei jerlerinde jel 15-20 m/s kúsheiedi, shańdy daýyl kútiledi, túnde jáne tańerteń kei jerlerde naizaǵai oinap, daýyl turady.
Almaty oblysynyń tańerteń jáne kúndiz kei jerlerinde naizaǵai, 15-20 m/s ekpindegi jel kútiledi.
Aqmola, Qostanai, Soltústik Qazaqstan oblystarynyń kei jerlerinde túnde 1-3 gradýs úsik júredi.
Sondai-aq Qyzylorda, Túrkistan oblystarynda, Jambyl, Karaǵandy oblystarynyń kei jerlerinde, Batys Qazaqstan, Shyǵys Qazaqstannyń jekelegen aýdanynda óte joǵary órt qaýpi saqtalady.
