© Sputnik / Vladislav Vodnev
Chernogoriia astanasy Býdva qalasynda ótip jatqan jastar arasyndaǵy álem chempionatynda qazaq boksshylary úsh altyn medal jeńip aldy, dep habarlaidy «Ult aqparat» Sputnik Qazaqstanǵa silteme jasap.
Ulttyq quramaǵa alǵashqy altyndy 67 keli salmaqta Tórehan Sabyrhan alyp berdi. Finalda ol kýbalyq David Manýel Espinosa Santoiiaǵa esh múmkindik qaldyrmai, 4:1 esebimen utty.
Sanjaráli Begaliev 75 keli salmaqta altynnan alqa taqty – finalda ózbekstandyq Jafarbek Shahbazovty jeńdi.
Qyzdar arasynda birinshi bolyp altyndy qazirgi álem chempiony Arýjan Zeinollaeva jeńip aldy. 81 keli salmaqtyń finalynda ózbekstandyq Rýhshona Paprievadan basym tústi.
Búgin qazaq boksshylary taǵy tórt altyn jeńip alýy múmkin – olar 50, 51, 66 jáne 71 keli salmaq dárejesinde finaldyq jekpe-jek ótkizedi.
Tikelei efir Qazaqstan ýaqyty boiynsha saǵat 20:00-de bastalady.
