Foto: ashyq derekkóz
Tanymal jyrshy, qoǵam qairatkeri Bekbolat Tileýhan jeke ómirine qatysty suhbatynda kópshilik qyzyǵýshylyǵyn týdyrǵan taqyryp – kóp áiel alý máselesine toqtaldy, dep habarlaidy Ult.kz Beksports.kz saityna silteme jasap.
Óner iesi úsh áielimen qarym-qatynasy týraly ashyq aityp, olardyń da adam retinde qyzǵanysh sezimin bastan keshiretinin jasyrmady.
«Olar meni qyzǵanbaidy dep aita almaimyn. Qyzǵanady ǵoi. Úsheýi de meni súiedi. Olar meni jekkórmeidi. Tatý ustaýǵa tyrysamyn. Adamzattyń etalony — paiǵambardyń áielderi de bir-birin qyzǵanǵan ǵoi. Al keshegi sovettik ideologiiadan shyqqan meniń áielderim qyzǵanbaidy dep aitý — ótirik bolady. Qyzǵanady. Bul — bizdiń ishki máselemiz, taǵdyrymyz», — dedi Tileýhan.
Sondai-aq ol óziniń poligamdy nekesi qoǵamǵa da, urpaǵyna da ziianyn tigizgen joq dep esepteitinin aitty.
«Bir nárseni bilem: meniń poligamdy nekemnen qazaq ziian kórgen joq. Tileýhan áýleti de ziian shekken joq», — dedi ol.
Bekbolat Tileýhannyń bul pikiri áleýmettik jelilerde qyzý talqylanyp, jurt arasynda túrli pikir týdyrdy.
