Osy jyldyń úsh aiynda turaqty turý úshin Qazaqstanǵa 2 myń adam kelse, kóship-ketkender sany 5,5 myń adamdy qurady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosy kóshi-qon qyzmeti organdaryna silteme jasap málim etýinshe, 2021 jylǵy qańtar-naýryzda 2 066 adam elimizde turǵylyqty turý úshin tirkeldi. Qazaqstannan ketkender sany - 5 519 adam. Kóshi-qonnyń aiyrymy - 3 453 adamdy qurady.
«Elimizdegi negizgi kóshi-qon almasýy TMD memleketterimen ótýde. TMD elderinen kelgenderdiń jáne sol elderge ketkenderdiń kóship-qonýshylardyń jalpy sanynan úlesi 83,1% jáne 82,0% qurady», - dedi vedomstvodan.
Sondai-aq aqparatqa sáikes, el ishinde qonys aýdaratyndar sany 9,5% azaiǵan. Óńiraralyq qonys aýdarý boiynsha halyq kóshi-qonynyń oń aiyrymy elimizdiń 4 óńirinde baiqaldy: Almaty (7 955 adam), Shymkent (5 681 adam), Nur-Sultan (6 260 adam) qalalarynda jáne Mańǵystaý oblysynda (319 adam).
